رواية على نور الشفق احيا واهيم ⚜️

97

,
لآ استبيحْ القراءه دُون لآيك
,

  #على_نُورّ_الشفقّ_وعلى_وتر_القدر

'

ابتعدت عنـه على كلامه ؛ نورت السعوديـه انا اشهد انها نورّت
ابتسمت بخفـه " هذا نورك يابعد عيني"
استكمـل كلامه بعد ردها ؛ المفروض اني اجيك استقبلك لوحدي بس اصروا انهم يجُون يستقبلونك معـي
اشّر على عزام وبدأ تعريف فيهم ؛ هذا عزّام ، وذا فهد وذول غاده وغيد والنتفـه عاد واخر العنقود وطويـلة اللسان ما تجهلينها
ضحكت بخفـه ؛ لارا اكيد
هزّ راسه بتأكيـد كلامها ، على ضحكت لارا الحرجه وهي تمسـك طرف عباية غيـد
بينما تالا انشغلت بسلامها على اخوانها وخواتها وتحمدهم لها بالسلامه والكل كان جاهل ان كل شي يصير بينهم مسمُوع باللايـف
واول ما وصلت لـ لارا ؛ ما تبين تسلمين علي؟
دفعتها غيد بخفـه وهي تقُول ؛ لا يغرك تراها من معجبينك ومستحيه مرّه لما عرفت انك اختنا
ضحكت تالا برحابـه وهي تسحبها لحضنّها وتسلمّ عليها
ابعدتها عنها وهي تركز نظرها بالجوال وتقرا الكومنتات الغريبه اللي وصلتها
" عزّام طلع اخوها " " مشهور السناب طلع اخوها؟ "
" يونس شعور ان اثنين اخوان مشهورين "
جلست تقرا باقي الكومنتات اللي كلهم يتحدثون فيها عن هالموضوع وهي مندهشه وجاهله بشهرة اخوها
وافتزعـت على كلام عزّام الشبه حاد ؛ انتِ فاتحـه لايف ومصورتنا؟؟؟؟
الكل استغرب من حدة عزّام معها ومن اللي قاعد يقُوله .. بينما هي توترت ونطقت بعفويـه ؛ ليش ممنوع؟؟
سحب جوالها عزّام وهو يقفل اللايـف تحت غرابتها وصدمة الكل منها
نطقت غيد ؛ كيف عرفت؟؟
ما عطت تالا المجال لعزّام بالرد وهي تسترّد جوالها منـه وبذات نبرتـه ؛ ما حبيت لقانا الاول على فكـره
تمالك صبره سطام عن اللي صاير حولـه واللي ابدا م اعجبه لا تصرّف تالا ولا تصّرف عزّام معها وهو يرمـي امره ؛ ما هو وقتـه .. على البيت قدّامي
ناظره عزّام ولمح تمالك نفسـه بصعُوبـه وهو ينسحب من كل اللي يصيـر ؛ انا مواعد لزّام ما راح اكون معكم
انسحب من بينهم تحت غرابـة تالا اللي نطقـت ؛ لا واضح شخصيـاتنا ما راح تتوافق جميع
جت بترّد عليها غاده لكّن امتنعت على كلام ابوها ؛ اظّن قلت ماهو وقته ياتالا !
ابتلعت ريقها بتخوّف من نبرة ابوها اللي استغربتها منـه ، واللي جديده عليها كليّا
امتثلت لأمره وسكتت .. بينما غيد همست قريب من غاده ؛ انا قايله لكم جيتها ما بتكون خير علينا ابدا .. شايفه من اولها اخذتنا محتوى !
اوك تعجبني وم اقول شي بس لازم تعرف ان فيه حدود ما لازم تتخطاها