رواية على نور الشفق احيا واهيم ⚜️

26

  #على_نُورّ_الشفقّ_وعلى_وتر_القدر

'

عارف ومتيقّن انه لو ظل هنا لثواني بس او لجزء من هذي الثواني
انه راح يطلّع حرقة قلبه وقلب صاحبه الوافي منها هي
وهذا مايبيه ، هي مالها ذنب ، هيّ تحمّلت كثير
شافت منه كثير ، مايبي تشوف اكثر ولا يبي تنقهر اكثر
طلع وهو جاهل وجهته تارك سويّر الحزينه بأرضية الغرفه تتأمّل بمكانه ودموعها تنهمر بغزاره
من شدّة الألم..
ألم جسدها المتضامِن مع ألآم روحها وقلبها
تأنيب الضمير اللي حسّت فيه لوهله وهي تستشعر كونها دمرّت حياة طرف ثاني
ذاقت الحرقه عليه بعيُون سلمَان
وآه ما أبشعها!
كيف لو عاصرت وعاشت كل اللي عاشه سلمَان وهو يشوف اقرب صاحب له متدمّر وكيف قدر يتأقلم مع هالألم لسنوات عديده
باللحظّه اللي فكرت هي فيها بأخوها فقط ولا إهتمت لعواقب فكره إقترحتها لصاحبتها بأنانيه مفطره
رغم معرفتها السابقه بأن درّه بحياتها شخص وعالم انهدم بسبب مصلحه
بالوقت اللي إقترحت فيه الفكره ما حطّت نفسها بمكان هالأشخاص اللي تدمرّت حياتهم بسبب قرار بعمر مراهقه
كانت تشوف نفسها مظلُومه من اللي يسويه فيها سلمَان
لكن لوهله إستشعرت وش ممكن تسوي الحرقه على قلب عزيز
هي بنفسها إستغلت اطراف لمصلحة احد عزيز عليها
كيف تلُوم الصاحب اذا طلعّ بجوفه من حرقه عليها وهو مابيده شي غيره
ما بيده حلّ ثاني زي ما كانت هي محظوظه وفكرت بحل سريع دون تعب
الفرق مابينها وبين سلمَان هي ماعانت لجل أخوها
بينما هو عانى لسنوات يشوف الألم ومايقدر على نزعه وحله مايقدر يداوي قلب صاحبه ومايقدر إنه حتى ينسيه
واصعب شي واجهه بحياته طُول هالسنين شوقه الكبير لصاحبه القديم للوافي قبل لا يذوق مرارة التخليّ والفراق
وكان الكل عارف بأن اللي صار مجرّد إتفاق ممكن من الوافي انه يتقبّله وممكن لا
بس على الأقل ما يعيش معاناة اكبر من اللي صار..