It's You [SaiDa Fanfic]

19 : Help Me

Dahyun's Pov:

"Anong sinabi mo? May nangyari sa inyo ni Sana?" Hindi makapaniwalang tanong ni Nayeon sakin nang malaman nila ang nangyari.

"Parang ganon na nga." Napapakamot-ulong sagot ko.

"Congrats!" Bati ni Jeongyeon sabay shake hands sakin dahilan para mapakunot-noo ako sa kanya.

"Binabati mo ba talaga ako dahil may nangyari saming dalawa?" Naguguluhang tanong ko. Ano ba naman kasing nakakatuwa sa nangyaring 'yon?

"Bagay naman kayong dalawa. Diba nga ide-date mo pa siya, sabi mo." Sagot ni Jeongyeon sakin.

"Sinabi ko bang gusto ko siyang i-date? Ang sabi ko, gusto niyang makipagdate ako sa kanya." Paglilinaw ko.

"Ano bang pinagkaiba non?"

"Gosh. Hindi ko naman siya gustong maka-date. Hindi ko naman talaga responsibilidad na sundin ang mga gusto niya nang dahil lang sa nakuha ko 'yang mga first niya." Reklamo ko pa sa harapan ng nakikinig na sila Chaeyoung, Jeongyeon at Nayeon.

"Anong plano mo?" Tanong ni Chaeyoung sakin kaya napabuntong-hininga ako.

"Hindi ko susundin ang gusto niya. Sino ba siya sa akala niya?" Badtrip na sagot ko.

"Bagay naman kayo eh." Sambit ni Nayeon.

"Tama. Bagay na bagay talaga. Wala namang masama kung subukan niyong magdate." Dagdag naman ni Jeongyeon.

"Malay mo si Sana na pala ang hinihintay ng iyong puso." Sabi naman ni Chaeyoung kaya napatingin ako sa kanila nang masama.

"Pwede ba? Wala akong pakialam sa Sana na 'yon. Hindi maganda ang pakiramdam ko sa isang 'yon eh. Pakiramdam ko may binabalak na masama sakin. Parang may iba siyang gustong makuha sakin." Napapaisip na sabi ko sa kanila.

"Mukha namang mabait si Sana eh." Depensa ni Chaeyoung.

"Nababaitan ka pala sa kanya. Eh di kayo na lang dalawa."

"May Mina na ako eh." Bigla kaming natigilan sa sinabi ni Chaeyoung. Natigilan din siya nang marealize kung ano bang nabanggit niya.

"Kayo na ni Mina?" Gulat na tanong ko.

"Hindi pa."

"Wow. Talagang may pa ah." Sabi naman nila Jeongyeon.

"Sigurado na kasi akong gusto ko siya. Ay! Oo nga pala. Guys, diyan na muna kayo. Nagchat si Mina. Hehehe." Kinikilig-kilig pang sabi ni Chaeyoung bago tuluyang lumayo samin.

Napalingon na lang ako kila Jeongyeon at Nayeon na nakatingin lang din sakin.

"Uhm. May maisasuggest ba kayo sakin?" Panimulang tanong ko sa kanila.

"Para sa date niyo ni Sana?"  Tanong ni Nayeon sakin.

"Hindi 'yon! Para sa pagpapalayas ko sa kanya sa buhay ko." Naiinis na sagot ko.

"Akala ko pa naman may paninindigan si Miss Kim sa mga bagay na nagawa niya." Rinig kong sabi ni Jeongyeon kay Nayeon. Obvious naman saking pinaparinggan talaga niya ako.