نصف عاهرة بين مخالب طاغية الكاتبة منال منولة باللهجة الجزائرية

و اخيرا ابتسمت الحياة لي ولكن لا زلت لا اعرف ما الذي تخبئه في طياتها من اجلي

تتمة للأحداث السابقة

اسيل سرطت ريقها ... وحاولت تفكر في شيء اخر .. احتمال اخر يعني .. هو ممكن يكون هاكر حب يعبث مع راسم لأنه لاعب مشهور وعنده دراهم ولكن الطريقة هاذي غير هي الى تعرفها هذا برنامج هي عملتله تصميم تاعه .. يمكن ماشي ثالوث الاحمر ولكن بلاك يكون فرع منه بالأخص انه كوثر لحد الان راهي مفقودة .. الام اتكون هي .

راسم (وقت شافها راحت في عالم اخر .. تقدم وحط يده على كتفها ) اسيل واش بيك سرحتي

اسيل (خذات نفس طويل وتلفت ليه ) اول حاجة رح تبدل الفون وبدل الخط حتى .. بالنسبة للفايسبوك وانستا بدل المودباس ورح نشوفو اذا كان شيء هاكر حب يلعب معاك ولا الحالة كبيرة

راسم ( نسف بعصبية ) بصراحة لكان شيء هاكر راه يتمسخر رح نحوس عليه السافل ونرفع عليه قضية .. لكلب عرسي بعد سمانتين واش رح تقول وسام لوكان تلقى هذا الصور .. وتعرفي البنات كي يبداو يديرو فالافلام

اسيل ( تبسمت قربت منه وحطت يدها على خده وجبداته منه ) اخ من ولادي .. العشق قاتلهم .. العشق يجري فالدم تاعهم

راسم ( حب يتمسخر معاها شوي ) على سيرة العشق .. نجيب وين راه هاذ ايام راه غايب .. ليكون صاب باربي وخداخرا راه لاهي معاها

اسيل ( شهقت وتلفت فالارض تحوس على حجرة .. بينما راسم هرب وركب فالطموبيل تاعه .. تما هي تقدمت من الباب وبدات تحاول تحل فيه ) كليتوني كي انت كي هاذيك ام راس كبير .. عينيكم قد هكا نتوما معليش تعشقوا وانا حرام فيا اه .. حل الباب راسم

راسم ( هبط الزجاج شوي وبقى يحكي ) صاي سامحيني مانزيدش نحكي فالموضوع هذا .. ويعني من حقك تحبي وتعشقي ولكان حبيتي حتى عاودوا العرس

اسيل ( نسفت ومسحت على شعرها الاشقر ) حل الباب صح

راسم ( تلفت يمين وشمال يحوس على شكون يسلكه ولكن مالقى حد تما ورجع يشوف معاها ) حتضربيني علابالي

اسيل ( ضحكت بخبث ) نعضك برك .. حل الباب راسم .. حل

راسم ( بقى يضحك وعرفها ديرها يعني .. واش الى يمنعها .. لحظات حتى لمح وسام خارجة .. كمل هبط لزجاج وبقى يعيط ) الحقوني يا ناس تحب تعضني

اسيل ( حطت يدها في جنابها ) كي انت كي اخت غير تاع بهادل .. ناس تولد المسقمين وانا نولد المعوق وخوه

وسام (استغربت من وقوفها تما .. قربت ليها وطبعت بوسة على خدها ) اهلين بالزين

اسيل ( طبعت بوسة اخرى على خد كنتها ممبعد شافت في راسم ) ماعرف وش عجبها فيك زعما .. لا زين لا عقلية لا هدرة شابة

وسام ( ضحكت وتلفت ل راسم الى كان مستغرب كي اسيل دارت عليه بذيك الطريقة ) واش ندير القلب وما يريد