نصف عاهرة بين مخالب طاغية الكاتبة منال منولة باللهجة الجزائرية

انت الميناء الذي الجئ اليه في احلك اوقاتي

تتمة للاحداث السابقة

نجلا ( في ذاك الوقت تلوقف وتلفتت ليها .. كانت متشوقة تشوف اختها ومحروقة على غيابها بزاف .. ) واذا خليتك تخرجي وقتاه رح تنفذي وعدك ليا ؟

جازية ( حست خطتها نجحت صارت توعد في نجلا وتفرشلها فالصحراء ورد ) مارحش يدي وقت بزاف .. اول مانخرج رح نحوس في الملفات تاع المنظمة واكيد تما رح نحدد مكان الشخص الى راكي تحوسي عليه ونبعثلك الادراس تاعه

نجلا( رفعت حاجبها وصارت تروح وتجي ممبعد شافت في جازية ) وعندك وين تمشي .. قصدي عندك دار ودراهم ولا رح تبقاي من بلاصة ل اختها هكا

جازية ( فوتت لسانها على شفتها .. من الداخل كانت تضحك بصوت عالي وتهنئ في روحها على الانجاز نتعها ) ما تخميش نتي .. المهم تخليني نمشي من هنا

نجلا ( دارت و تمشات من اتجاه الباب وخرجت عند الحرس وين كانو واقفين ) سننفذ الخطة اكس

الحرس ( تلفت لزميله الى كان واقف بحذاه ممبعد شاف في نجلا ) هل انت واثقة سيدتي ..لأننا لم نفعل هذا من قبل

نجلا ( تبسمت وهزت كتافها ) لا ضير من التجربة اخبر الجميع اريدهم في اماكنهم بعد ربع ساعة من الان !

الحرس ( رفد لاسلكي الى كان بين يديه ) حسنا سيدتي امرك

نجلا ( خرجت من الحجة تاع جازية و غلقت الباب وتكات عليه وبقات تشوف فيها من الزجاج ) اول مرة نعملها مع مريضة بصح علا ش لالا ..

جازية في ذلك الوقت الى تغلق فيه الباب رجعت لمكانها وقعدت .. ماعرفتش علاه نجلا دارت في هدرتها او يمكن خافت من ايراد وخافت تفقد حبه غبية نجلا هاذي .. وعلى هاذي يمكن تراجعت على خطتها .. في ذاك الوقت نسفت بحنق .. هاذا اخر حل كان بين يديها وطار مع الطيور ضرك كيفاه رح تقدر تخرج من هنا ..

حتى المجندين ماشي قادرة تتواصل معاهم وهذا بسبب انه نجلا وقت دخلتها نحاتلها كامل اجهزة التعقب .. حتى الخطيرة منها والحساسة ..بلاك رح تفوت حياتها كامل لهنا .. خاب املها كثيرا وبقات على ذاك الحال حتى مر شيء 15 دقيقة وبعدما يئست وكلشي الباب تحلت ورجعت نجلا دخلت مرة اخرى وراحت تطالعها بنظرات تسائل

_ واش بيك بدلتي رايك على حساب الشوفة وراكي حابة تقعدي هنا ؟

جازية ( عينيها الزرق توسعو .. يعني مزالها على هدرتها .. ) بصراحة قلت تراجعت على هدرتها

نجلا ( رفعت صباعها وعملتلها لالا ) ماشي نجلا الى دور في هدرتها .. كنت نوجد فالحالة لحتى يكون الامر كيما اقتحام ولحتى ايراد ما يشك في هدرتي ولا هدرة العمال الى عندي ولحتى مانفقد حتى واحد فيكم ممبعد

جازية ( سرطت ريقها وحست دقات قلبها تسارعت كثر وكثر ورجعت تسأل فيها مرة اخرى يعني كان امر صعب التصديق ) يعني نقدر نخرج