تتمة للاحداث السابقة
ايراد شعل سيجار اخر وبقى يدخن من خلال خبرتو مع البشير عارف ولا حاسس انو رح يكون في شئ .. وخصوصا انو جدو خسر كلشي وافلس منين جاب الثروة هاذي .. كاين حل اخر يمكن نقلها على اسم رياض وخلاهاا لحتى يجي وقتها وخر السيجار من بين شفافو ونطق بصوت شبه مبحوح
_ رح نشوف البشير وش موجدلي المرة هاذي
وئام ( قربت لوذن يعقوب وهمست ) كون كتبها خير علاه عليه كامل الشئ هذا
يعقوب ( حط يدو على شعر وئام ومسح عليه .. متقبل النقد نتعها لانو يعرف انها صغيرة ولاضير من انو يعلمها من حين لاخر ) ياروحي انتي تعرفي جدي يحب يكون مميز في كلشي ..
وئام ( تببسمت من غير ماتحس ) رح يجي نهار قلبي يحبس من هدرتك هاذي وخصوصا كي تلمس شعري هكا
يعقوب ( عض شفتو وبقى يشوف معاها ) بخصوص الشعر عندي شعال ماشديتكش منوممم قولي
وئام ( ضحكت وبقات تشوف مع الرغبة في عينيه ) مالا غير نخرجو من هنا رح نديرو فيها بارطي شباب
ويسام ( تلفت ليهم ) ششش خلو التمعشيق ممبعد معليش
يعقوب ( مالقى مايحكي اكتفى بالضحك ) حاضر ياروحي
رجوعا الى الفيديو .. الى البشير كان يحكي فيه على الاملاك " مارحش نطول فالهدرة بزاف .. علابالي انو الكل مقلق لحتى يشوف وش طاحلو في قسمتو وتاني علابالي ايراد راه يقول منين جاب الثروة هاذي كلها "
ايراد ( دور السيجار في يدو وباقي جامد ملامح وجهو باردة تقول مايهموش الموضوع اصلا ) عمري لاهميتني ديما عاطي روحك قيمة كبيرة
" تنهد .. وقت افلست والديون تراكمت عليا بزاف كان عندي املاك لهنا فالدزاير وخفت يحجزو عليها مالا نقلت كلشي بااسم وهمي لحتى الامانة الى خلاوهالي رياض ونجود والديكم تبقى وكي تكبرو تتنقل ليكم .. وضرك جا وقت الصح
جازية ( سرطت ريقها وهي تشوف فيه على الشاشة وصارت تهمس ) كذب فكذب ودراهمك حرام وحتى الاملاك هاذي حرام ومن عرق الايتام
ويسام ( شافت فيها ) قلتي كاش حاجة
جازية ( كانت تشوف في الباقي وتحس انو راهي تايهة ) لاياروحي ماقلت حتى حاجة اتفرجي
رجعوا يتفرجو مرة اخرى " انا البشير المالكي الساكن ب اسبانيا مدريد .. كتبت هاذي الوصية بكامل قوايا العقلية وبدون ظغط من اي احد وكاين هاذي برك ومكانش وصية غيرها .. اما بعد راني مديت الاراضي الى في فلنسيا وماجاورها ونسبة 15 بالمئة من الاسهم في شركة " ميناو الصينية " لاستخراج النفط .. ليعقوب حفيدي
وئام ( زيرت على يد يعقوب ) واخيرا نطق واخيرا
يعقوب ( حس انو ذيك الاراضي جات في وقتها تماما ) تقول حسيت بيا جدي
أنت تقرأ
نصف عاهرة بين مخالب طاغية الكاتبة منال منولة باللهجة الجزائرية
Romanceهي فتاة عشرينية عاشت في كنف جدها بعد انفصال والديها .. ضاقت انواع المضايقات والتنمر سواء من المحيطين بها او القريبين منا .. انثى ذات شخصية متمردة وقاسية .. ولدت من رحم المعانات هدفها الاول هو الوصول الى اعلى المراتب لايهم كيف ومتى .. صعبة المراس لا...
