نصف عاهرة بين مخالب طاغية الكاتبة منال منولة باللهجة الجزائرية

هل تقبلين ان تكوني ملك لي .. اقصد زوجتي

تتمة للاحداث السابقة

سيدرا بقات ترجف وهي تشوف في ملامح وجه ايراد تبدلت وهو يشوف فالتلفون نتعها .. زعما وش رح يعمل اذا لقى كاش حاجة من فرات زعما كاتبلها على الهربة ولا اي حاجة اخرى .. بزاف الافكار بدات تتناطح في راسها... زعما كتبلها انو يحب يتلاقاها في البلاصة الى تلاقاتو فيها اخرة مرة

سيدرا ( حبت تخلط النية بالهبال ) اعطيني التلفون نتاعي

ايراد ( رماهلوها في حجرها وبقى يحكي ينبرة سخرية ) خسارة راهم عذبوا رواحهم وبعثولك البروقرام تاع العام ونتي رح تتزوجي وتولي تقرى في اسبانيا

سيدرا ( تنفست الصعداء ووخرت من حضنو وقعدت فوق الكرسي وبقات تشوف فالميساج ) الحمدلله انو مكانش فيه حاجة خاطية

ايراد ( حل الطابلات نتاعو ودخل للصفحة تاع جامعة اسبانية كان البشير بعثلهم بخصوص سيدرا وقبلوها فيها ) راني سحبت الاوراق تاعك منا .. وراكي رسميا مسجلة في اسبانيا وراني سجلتك في ايكول سارفانتاز تما لحتى تتعلمي تحكي اللغة

سيدرا ( بقات تعدل فالقارديكان على كتافها الى كان يطيح وكل مرة تتعرى كثر ) عملت مليح وهكا مارحش يكون عندي مشاكل وقت نخرج ولا نمشى نشري

ايراد ( تلفت يشوف معاها وهي لابسة البيجامة تاع الشورت والبيستي وحاطة فوقهم قارديكان وصدرها صغيرة ويبان ولابشرتها الى رطبة كيف تاع الاطفال تماما مكانش هاين عليها يدخلها في هذاك المستنقع ولكنه مجبره .. رجع من سرحته في تلك اللحظة واعطاها موعد للغد  ) كيما حكيت غدوة رح نخرجو ورح نشوفلك بيجامات وصوالح اخرين حتى نمشوا لسبانيا ..لانو مارحش تلبسي هكا قدام خواتي . .صح عندي جناحي وكبير بصح ممنوع اللبسة هكا

سيدرا ( استغربت منو وخصوصا انو عايش طول حياتو في اسبانيا ) والله حبس وماشي هكا

ايراد ( جبد علبة السجائر ثم حط لفافة بين شفافه واضرم النار فيها كيما هاذي الصغيرة اضرمت النيران في قلبه .. لينفث كلماته الساخرة مع دخان سيجارته  ) علاه حبس .. عادي هاذي وسمها الحرمة

سيدرا ( طرطقت بالضحك ) حرمة وانت ..

ايراد ( حط يدو على كتفها وبقى يمشى فيها وفهم قصدها ) قصدك على الخادمات ووش نعمل معاهم .. عادي علابالك.. نتي برك معقدة الامور

سيدرا ( وخرتلو يدو ) الله يسهل عليك مدام رح تحترم الى بينا وماتلمسنيش

ايراد ( جبد التلفون نتاعو وخرج وحد الصور نتاع كارت تاع دعوات ومدلها تشوف متجاهل هدرتها ) خيري زوج منهم لحتى نبعثهم ينطبعو

سيدرا ( تلفت ليه مستغربة وقلبها يخبط ) علاه.. وقتاه العرس

ايراد ( كان يفوت فالصور ويحكي في نفس الوقت وقت سمع السؤال نتعها شاف فيها .. شافها شعال خايفة ومتوترة ) تفاهمت مع جدك منا على سمانة