نصف عاهرة بين مخالب طاغية الكاتبة منال منولة باللهجة الجزائرية

في جوف الاعصار

تتمة للاحداث السابقة

نجلا خذات نفس طويل وشهيق وزفير وتحاول تكون هادية وبعدها حطت الدوسي بجنب.. الحرب يلزملها هدوء وطولة بال.. والغضب يفسد كلشي.. رجعت حملت الفون وحطت رقم صهيب وبقات تستنى فيه يرد.. رجعت تشوف فالمرايا وتعدل في حواجبها ودقاءق كانت حتى رد

نجلا (تلفت وقعدت على الكرسي وحطت رجل على رجل ) مساؤوو

صهيب (تبسم وحط طابلات على جيه) مساء الورد والياسمين

نجلا (فوتت لسانها على شفافها) علابالي انك مشغول ولكن حبيت نطلب منك حاجة

صهيب (حط اللينات على جيه) على حسب

نجلا(ضحكت بغرور)ممم م نحب تسجل جلساتك مع سيدرا ووقت تكمل خلي ندرسوها مع بعض

صهيب (استغرب من طلبها) ممكن نعرف علاه؟

نجلا(دورت عينيها فالسما.. تعرفه يحب يدقق في كلشي) هكا صهيب حتى نقدرو نعلاجوها في اقرب وقتت ممكن

صهيب (حس في حاجة.. ضحك بتمسخير) حسب مانعرف اعجابك ب إيراد كبير.. كنت مفكر رح تقولي خلي العلاج يطول

نجلا(عضت شفتها وبعدها ضحكت بصوت عالي ضحكة شريرة) المرة هاذي راك غالط صهيب عزيزي

صهيب(نسف ووقف من مكانه) معليش... اي حاجة أخرى

نجلا(شافت فالساعة) غدوة نشوفك ونحكو. تشاو

حطت لفون على جيه ورجعت تشوف فالمرايا .. وبقات تمسح على وجها وتعمل في ماساجات لخدودها.. وفي نفس الوقت تخمم كيفاه تخلي ايراد يرمي سيدرا... كانت تحس انه الأحقية ليها كونها تعرفه من زمان..!! وكيما أي كوبل الام ايكون في بينهم مشاكل صغيرة وهي رح تستغلها حتى تشعل حرب كبيرة نهايتها الفراق !

رجوعا للقصر مرة اخرى ..وين كانت المؤدبة مزالت مستمرة .. وجو من الضحك والتمخسير مسيطر على المكان وتحديدا في المكتب الى ساد صمت ثقيل جراء تصرف نجلا .. وهذا الى خلى ايراد يطلبها مرات اخرى و مفكر انه الشبكة او يمكن الشحن تاع الفون خلص .. ولكن ببساطة هي ماعجبهاش كونه كان مرته

ايراد ( رفع حاجبه وبقى يستنى فيها ترد .. لحظات وخر الفون من عند وذنه وبقى يشوف ) كوبات

سيدرا ( ضحكت بخبث ) خاطرش سمعت صوتي

ايراد ( بقى يدور فالفون بيده وقت سمعها قالت هكاك .. شاف معاها مستغرب من العقلية تعها الجديدة .. ولا ضرك مع البيبي والوحم كل يوم بلوك ) وش يعني سمعت صوتك .. وممبعد كي تسمعه كامل عارفينك مرتي وهي عارفة هذا الشئ مليح

سيدرا ( بقات تمسح على شعر ايراد وتلعب بيه ) اممممم

ايراد ( حط يده على وجها ودورو وبقى يشوف معاها كيفاه تتخوبث وتضحك وتجبد فالمشاكل من تحت الارض .. وصباعتيه كيفاه صارو على شفافها ) وزيد هي رح تعاون فيك لحتى تريحي شوي مالا وش رايك تبطلي قباحة