تتمة للاحداث السابقة
سيدرا وقت سمعات اسمها وبالطريقة الى عيط بيها جمدت في بلاصتها وبدات السيناريوهات في راسها الف فكرة وفكرة خطرت على بالها .. تلفت ليه وملامح وجهو كانت تبدلت تقول كاش ماشاف تقول جن حضر قدامو .. اصلا من غير ماتفكر بزاف النبرة هاذي تعرفها .. هاذي الى ديما تكون قبل العاصفة وعواصف ايراد المالكي متميزين عن غيرهم بالتعذيب
سيدرا ( تقدمت منو شوي وحاولت تكون طبيعية ) وش كاين .. علاه راك تعيط
ايراد ( دورلها البيسي وحط يديه في جنابو .. كان يهتز ويحاول يهدي روحو برك .. لانو اذا طرطق رح يحرقها كيما الماغما ) فهميني تشوف في هذا الفيديو .. فهميني
سيدرا ( بقات تشوف معاه ممبعد حلت الفيديو وبقات تفرج كان مقطع لفيلم رومنسي معمر قبلات وتحرش ومرفق برسالة قصيرة ' لحتى تتفكري الليلة الى فوتناها مع بعض ' ) عادي فيلم وميساج وين المشكل
ايراد ( مسح على شعرو وبعد عليها وهو يغلي وبالاخص لقطات الى فالمقطع والميساج زير على يدو ) احكي علاه ساكتة .. فهميني وش يعني هذا .. علابالي بلي فيلم بصح شوفي وش جا معاه
سيدرا ( قعدت على طرف الفراش وحطت البيسي في حجرها ) هاذي ميساج من عند اسيل دقيقة نحل الشيفرة نتاعو
ايراد ( وقف وراها وبقى يشوف .. الف فكرة جاتو في راسو والمشكل انو فرات راه تحت يديه تسما كاين شكون حابب يلعب ) رح نشوفو اذا كان من عند اسيل
سيدرا ( طلعت حاجبها وبقات تشوف فالاخطاء الى فالميساج لانو كان مكتوب بالانجليزي ) راهي في فرنسا ..تفضل شوف
ايراد ( شد عليها الورقة وبقى يقرى على حساب الاخطاء الاملائية ) تكون تحوس على كاش صندوق ولا راهي في ميسيون
سيدرا ( غلقت لاب توب نتعها وحطاتو على جيه ووقفت داخلة لدراسينغ ) ماعلاباليش بيها .. ومايهمنيش وش راهي دير المهم انو يبق بعيد على راسي الخرطي هذا
ايراد ( تمشى من اتجاه الدريسنغ ووقف عند الباب وربع يديه .. يتمعن فيها وهي تتمايل وتحوس على حوايج تلبسهم ) ايه مليح .. عندي اجتماع مع باقي النواب على 13 يلا جهزي روحك لحتى نمشو مع بعض
سيدرا ( ضحكت وتلفت ليه ) نجهز روحي . مافهمتش ايراد
ايراد ( ركز مع عينيها الخضروبقى يقرب منها بالشوي .. كانت الحروق نتعها مع الوقت تبرى ولكن جرح قلبها مزال هكاك هذا الى حابب يفهمو ويعرفو ) رح تمشى معايا للاجتماع
سيدرا ( دوحت براسها وكملت تمشى حتى خرجت برى حكمت المشط وبقات تسرح في شعرها ) هذا كان بكري وزيد باي صفة رح نمشى معاك .. ووقت يشوفوني هكا وش رح تقولهم .. ' اه هاذي مرتي الخاينة .. حرقتها وقصيتلها شعرها .. بصح عادي تصرى في ارقى العائلات '
أنت تقرأ
نصف عاهرة بين مخالب طاغية الكاتبة منال منولة باللهجة الجزائرية
Romanceهي فتاة عشرينية عاشت في كنف جدها بعد انفصال والديها .. ضاقت انواع المضايقات والتنمر سواء من المحيطين بها او القريبين منا .. انثى ذات شخصية متمردة وقاسية .. ولدت من رحم المعانات هدفها الاول هو الوصول الى اعلى المراتب لايهم كيف ومتى .. صعبة المراس لا...
