نصف عاهرة بين مخالب طاغية الكاتبة منال منولة باللهجة الجزائرية

انت الداء وبحوزتك الدواء

تتمة للاحداث السابقة

سيدرا وقت سمعت هدرتها .. حست راسها حبس وبدى قلبها يخبط .. جاها 100 سؤال في راسها .. معقول تكون اسيل جات جاسوسة لهنا وهذا كامل مخطط ولا راهي مبعوثة من المنظمة .. لحتى تقضي على ايراد والباقي .. كانت افكارها غير منطقية وهي اصلا حست هكا من الاول ..حبت تفهم منها الاول وتعرف واش اصل الهجوم هذا

سيدرا ( وقفت وراها وربعت يديها ) مع شكون راكي تحكي .. وش راكي تخططي تاني

اسيل ( هبطت الفون وكوبات ) انا

سيدرا ( رفعت صباعها في وجها ) بلاكي تكذبي عليا .. لاني تعبت من الكذبات تاعك ونزيدك راني سمعتك وش كنتي تقولي تسما فقت بيك

اسيل ( رجعت الفون في جيبها رولاني ) ماكنتش رح نكذب عليك اصلا ..

سيدرا ( حطت شعرها ورى وذنيها ) هيه احكيلي وش راكي تخططي وش قصة الهجوم هذا تاني

اسيل ( تمشات قدام سيدرا وبدات تحكي ) وقت كنت فالحبس قصدي بعدما قتلت فهد .. جاتني عميلة من الاستخابارات البريطانية وتما بدى كلشي

سيدرا ( استغربت بزاف ) يعني راكي تخدمي مع الاستخبارات ضرك .. يعني وقت كنتي في باريس كنتي في ميسيون للاستخبارات

اسيل ( تلفت لسيدرا لقات عينيها معمرين فضول ولكن كلما عرفت اقل كان افضل ليها ) هذا لى نقدر نقولهولك ضرك .. اكثر من هكا مارحش يكون في صالحي ولا صالحك وبالنسبة للمنظمة رح نعاونك نتي وايراد لحتى توصلو للطريق الصحيح

سيدرا ( فوت لسانها على شفافها ) حوستي عليه

اسيل ( تبسمت وعينيها لمعو ) شكون هو

سيدرا ( دورت عينيها فالسما ) راسم .. حوستي عليه

اسيل ( دوحت براسها وزمت شفافها وتفكرت النهار هذاك الى حكى لامراة غيرها "ماما" حسيت بسكين في قلبها ) مايعرفنيش ويكون نساني .. من الاصل وكاين حاجة اخرى يمكن نتي ماتعرفيهاش بعدما قتلت فهد العايلة تاعو بدلت اسمها ومحات الاثر نتعها يعني فص ملح وذاب

سيدرا ( ضحكت من هول الى كانت تسمع فيه ) معقول .. ماشي هذا هو الى رميتني على جالو .. تخيلت عليه هو تاني

اسيل ( دارت لسيدرا ) الزمي حدودك ولا تحبي نعاودلك الكف هذا مرة اخرى لحتى تشوفي شكون الام لهنا وشكون البنت

سيدرا ( قربت منها ووقفت مقابلتها ) ماشي هو برك .. حتى جدي وميمة محروقين عليك فكرتي مرة وحدة انك ترجعي وتحبسي المغامرات تاعك .. وتلمينا حواليك وترمي كلشي وراك

اسيل ( حطت يدها على رقبتها ) انا في الزمان هذاك ديت قرار .. بالنسبة ليك خلاني نكون الوحش الى دمرلك حياتك وبالنسبة ليهم البنت لعاق الى دنست شرفهم وبالنسبة للعدالة مجرمة وللمجتمع متمردة .. اما تعرفي حاجة سيدرا انا راني نصلح وش عملت بكري .. وراني نحاول على قد مانقدر نكون انسانة مليحة لحتى وقت نرجع ونوقف قدام محمود وزينب نكون رجعت حقي وحقك وحق كامل الى تحرقو على يد الثالوث الاحمر وبالنسبة للفكرة تاع لم شمل الاسرة راني خممتي فيها الف مرة وتعرفي وش لقيت