نصف عاهرة بين مخالب طاغية الكاتبة منال منولة باللهجة الجزائرية

لن ارضى بالرحيل لانني رجل عاشق وعنيد

تتمة للاحداث السابقة

.. وقت سمع الصوت تلفت وااذا بيها هي قاعدة على الحاشية نتاع البيسين .. وحاكمة شعرها بين يديها تعصر فيه ..لابسة هذاك المايو الى مبين كل تفاصيلها صدرها الابيض الى يشهي وفخضاها المعمرين الى موالف يدفن راسه بينهم ويعني عرفت تخير الموديل .. غمض عينيه ورجع حلهم اكيد هذا حلم برك اكيد .. وفجاة المكان تغير وكانه مشى لاشهر فاتت وتحديدا في بيسين الاوتيل نتاعه فالدزاير ..

وشاف شخصين من الماضي .. ايراد وسيدرا قبل ماتطور الامور بينهم قبل الزواج وقبل كلشي .. وقت كانت تمارس عليه في شقاوتها وتجبد فيه يوم عن يوم لحتى يطيح فيها ..فالبيسين .. للزوج مشمخين وهو كي العادة حاكم القبضة نتاعه عليها .وحاصرها مع الحاشية . وباقيين يحكو ويبان انه النقاش حاد بينهم .. سرط ريقه وتقدم شوي كثر لحتى يسمع وش راهم يحكو

وقت وصل لقى الدم متخلط بالماء .. واذا ايراد هذاك هو جازية حاملة بين يديها راس سيدرا ..وتضحك ودوح بيه يمين وشمال .. بدون مايفكر تقدم كثر هبط وسط الماء المعمر دم لحتى يحبسها ولكن كلما حب يحكمها مايقدرش .. حط يديه على وجهه يحاول يفطن .. هذا اكيد كوشمار برك .. صار يدوح براسه يمين وشمال ورجع حل عينيه من جديد

ايراد ( حل عينيه و تلفت لقى فرات واقف بحذاه وحاطط يده على كتفه .. ماعرفش وش الى صرى وكيفاه حتى شاف الكوشمار هذاك ) فرات

فرات ( طلع حاجبه ) وش بيك ساهي

ايراد ( مسح على وجهه ونسف ممبعد دار بجسمه كامل لفرات .. الى كان يعاون بكل حاجة يقدر عليها ) خبرني البلان صاي

فرات ( مد ل ايراد جيلي مضاد لرصاص ) صاي .. راني حكيت مع المجندين الى كانو يخدمو تحت يدي وقت كنت فالثالوث الاحمر وتفاهنا على كلشي نقطة ب نقطة

ايراد ( بقى يلبس فالجيلي ويعدل فيه .. ممبعد تفكر شئ مهم والى هو جامي سال عليه ... بقى يشوف في عينين فرات الى معمرين بالحماس ) انا عمري لا سقسيتك .. وين جاي القاعدة تاع الثالوث الاحمر

فرات ( تمش لامام وبقى يحكي ) جدي كان عنده فالراس .. نظم كل حاجة حتى واحد مايقدر يوصل ليه

ايراد ( حس انه الى رح يقوله اكيد رح يقلقو علابيها رح يحوس فالجمل المناسبة .. حط يده القوية على كتف فرات ووقفه ) بلا مقدمات وحكيلي

فرات ( ضحك ) حاضر .. القاعدة جاية تحت الارض وبناوها المسلمين الى كانو فالاندلس كي صرات محاكم التفتيش وكانو يقتلو اي واحد مزال مايدخل للمسيحية مالا هوما قرروا يبنو قاعدات صغار حتى يمارسو الشعائر نتاعهم بغرضهم

ايراد ( كان يسمع بكل الحواس نتاعه .. وملامحه تتغير مع كل كلمة يقولها فرات .. وكل ما يسمع جملة اخرى يكره البشير ) كمل