نصف عاهرة بين مخالب طاغية الكاتبة منال منولة باللهجة الجزائرية

صراع ونار تحرقني من كل صوب واتجاه

تتمة للاحداث السابقة

الطموبيلات تحلوا كلهم مرة وحدة .. وخرجوا رجال مسلحين لابسين الاسود كيما الغربان ..صاروا يتمشاوا كيما الروبوت من الاتجاه تعها وتلموا كامل على الطموبيل نتعها صوب ودور .. وهذاك الشيء الى خلى انفاسها تتسارع وتحس روحها رح يغمى عليها .. شكون هاذوا واش يحبوا منها .. صارت تشوف معاهم ويدها رايحة للفون لحتى تطلب اي واحد يعاونها فالورطة هاذي

سيدرا ( حاولت تمد يدها وتطلب اي رقم كان .. بينما هوما قاعدين يقربوا عليها كثر وكثر .. ولكن وين راهم الحرس تعها ) وين راكم .. وين راكم علاه كي نحتاجكم مانلقى حتى عبد فيكم

الحارس ( قرب من الباب وفتحه ) انزلي

سيدرا (في ذاك الوقت كانت تعيط ل ايراد .. وقت طلب من الحارس تنزل رفضت ) مستحيل ننزل وشكون نتوما واش تحبو مني

الحارس 1 ( تلفت لصاحبه الى عمله براسه جاست . وهذاك الى خلاه ينسف ودور عينيه ويرجع يقول بكلمات صارمة ) قتلك انزلي

سيدرا ( رمات عينها لقات انه ايراد رد عليها صارت تعيط ..) ايراد ايراد انا سيدرا وكاين شء رجال

الحارس 1 ( وجههلها الكابوس في راسها وعيط ) قتلك انزلي ضرك

سيدرا ( حطت يدها تحت الكوسان تحوس على الكابوس .. يعني شيء اكيد يكون مخليلها ايراد شي واحد لحظات حتى حست بشء ) مارحش ننزل

الحارس 1 . ( حط يده على القارديقان نتعها وجبدها من الطموبيل )

سيدرا (في ذلك الوقت رفعت الكابوس امامهم وصارت توجه فيه ليهم ممبعد تذكرت انه هي راهي مطلوبة وهي مارحش تعاود تعاني كيما اخر مرة .. وربي يعلم واش يستنى فيها .. حطاته على راسها بدون ما تفكر في اي شي ) رح نقتل روحي وتدو الشعر

في ذاك الوقت الحرس كلهم صاروا يشوفو في بعض .. اخر حاجة توقعوها يكون عندها كابوس .. والمشكل ماشي هنا المشكل اذا اذت روحها هي اوالجنين .. رح يحرقهم حرق ومارحش يهدى باله .. خصهم يخمموا في حل لهاذي الورطة اللعينة الى وقعوا فيها

سيدرا ( صارت تشوف فيهم ومزالها حاملة الكابوس ومصوباته لراسها وترجف وتستنى في اي واحد يجي ويلحقها ويسلكها ) مارحش نمشي معاكم وكان صرى هذا الشي رح تدوني جثة

الحارس 3 (تقدم وراها بالعقل واستغل خوفها وبسلاسة حقنها ب مخذر في رقبتها بينما هي صارت تترخف بالعقل ..وبدون ما يتاخر شدها بالعقل بين يديه تما الكل رجع يتنفس بعدما الخلعة الى ركبتهالهم سيدرا .. بينما الباقي واحد منهم حكم الكابوس و بقاو يساعدو في زميلهم لحتى ي رجعوها فالطموبيل الداخل ب امان كيما الاوامر طلبت.. تلفت لحارس الى خذر سيدرا لحرس تما وكانت انثى ) اركبي معاها انتي