نصف عاهرة بين مخالب طاغية الكاتبة منال منولة باللهجة الجزائرية

اشهد ان امراة تربعت على عروش قلبي الا انتي

تتمة للاحداث السابقة

ايراد فالوقت هذاك .. بالتحديد كان فالاوتيل نتاعه .. الفوق في الجناح الملكي الخاص بيه .. راقد على الفراش .. فوت ليلة تما .. اختلى بنفسه مع انه كان صعيب عليه يمضى ليلة وحدة بلا بيها .. حب ينسى صورتها وطيفها المشاغب الى كان سهران معاه طول ليلة

وكاس ورى كاس حتى داه النوم .. سمع صوت الفون ولكن تجاهله .. كمل ارقاد نتاعه ويحس بيد فوق صدره .. واكنها تهز فيه لحتى يفيق .. تلفت وحل عينيه لقى بحذاه يعقوب راقد الشئ الى خلاه يستغرب رفد راسه شوي وضرب يد يعقوب بعيد

ايراد ( حس راسه يوجع .. وحد الدوار حاكمه حط يديه على راسه ويعمل في مساج ويحكي ) وش راك دير لهنا انت

يعقوب ( تقلب على جيه وكمل يرقد ) رد على الفون تاع الخ*** ايراد

ايراد ( تلفت وحكم الفون وقرى اسم اسيل .. وقف من بلاصته وتمشى شوي وتكا على لحيط ورفد ) وي اسيل

اسيل ( بقلق كبير ) سيدرا يا ايراد

ايراد ( وكانه واحد رمى عليه سطل ما وقت سمع اسمها ) وش بيها سيدرا

اسيل (ماعرفت وش تقول ) كنا نحكو وبعدها هي فقدت اعصابها و خرجت من القصر وركبت فالطموبيل نتعها وقلعت

ايراد ( زير على سنانه يحس في روحه رح يقتل شئ حد اليو م .. ثواني تبسم كيف المهبول وكانها تحب تجهله ) كوبي اسيل ضرك نشوف معاها

اسيل ( سرطت ريقها ) طمني ايراد

ايراد ( مسح على نيفه .. وزفر كيف التنين ) اوكي اسيل ..

يعقوب ( رفد الغطا على راسه وناض وتلفت لايراد ) وش كاين

ايراد ( قعد على طرف السرير وحط نيمرو القارد تاع سيدرا وبقى يستنى فالرد .. لحظات سمع صوته ) وي لزار وينكم

االقارد ( كان واقف ورى سيدرا بالطموبيل ) المدام جات للكورنيش وراني واقف وراها

ايراد ( ضيق عينيه .. قاع في هذا البرد مشات للكورنيش ) وش راهي دير تما

القارد . قاعدة مسيو ايراد

ايراد ( بصرامة يحكي .. يعني ماشي حابب يصرالها اي مكروه بالاخص كي هو راه يلعب من المنظمة ) اسمعني مليح بلاك تنحي عينيك من عليها .. تبعها وين تمشى

القارد . حاضر مسيو ايراد

ايراد ( كوبا وبقى يكتب في ميساجات فالفون نتاعه كان لاسيل بعدها رماه وراه ورمى روحه فوق الفراش ) رح نشوف وين توصلي براسك هاذي

يعقوب ( نسف وناض رمى المخدة على ايراد ) خسرت عليا نعاسي علابالك

ايراد ( حل عينيه وتلفت ليه مستغرب .. بعدها رفع راسه ) وش راك دير انت لهنا من الاصل