نصف عاهرة بين مخالب طاغية الكاتبة منال منولة باللهجة الجزائرية

وما الحب الا اهتمام

تتمة للأحداث السابقة

ايراد ( في تلك الاثناء تذكر امر مهم .. تلفت من اتجاه سيدرا هي خرجت صباح وقالته ما تسالش وين .. لتكون هي .. صار يردد بينه وبين نفسه ) سيدرااا ..

ادم ( مسح على وجهه بعصبية ..وصار يشوف يمين وشمال ) وين تكون راحت .. وزيد ماهيش وحدها الطفل مريض

ايراد ( غمض عينيه وزير عليهم ممبعد رجع فتحهم وشاف الساعة . .ليقول بنبرة حادة ) اسمعني ادم .. ارواح عندي راني في الفيلا تتاعك في كتالونيا .. وانا ضرك رح نبعث صورها لكامل رجالي ورح يحوسو عليها حتى يلقاوها

ادم ( شاف فالساعة وسرط ريقه ) اوكي .. مانيش بعيد بزاف عليك وحد 10 دقايق ونوصل

ايراد ( تلفت وتمشى من اتجاه الجماعة .. وعينه على سيدرا فقط .. هي خرجت صباح .. بحجة انه عندها خدمة .. فوت لسانه على شفافه ) اوكي .. تشاو

سيدرا ( تلفت ل ايراد وتبسمت ) ايراد هيا نقعدوا على الطابلة ضرك الشوا يبرد وتروح لبنة تاعهم

ايراد ( تقدم من سيدرا كثر وحكملها يدها وزير عليها ممبعد شاف فالباقي ) كولو نتوما .. انا وسيدرا عندنا هدرة مع بعض كي نكملوا رح نلحقوكم

وسام ( نقزت ديمة وهمسلتها ) ليكي الحب ليكي .. باين راه موجدلها كاش سوربريز ولا حاجة

ديمة ( طلعت حاجبها مركزة على ملامح ايراد ) وش من حب راه يبان زعفان ومقلق ونتي تقولي موجدلها

وسام ( رجعت تشوف فيه ولكن ما قدرت تلقط والو ) وش من زعاف .. وليتي تخرفي

فرات ( فرك يديه ببعض ) انا رح ناكل حقي وحقك

اسيل ( رفعت يدها ونقزت فرات وقت تلفت ليها ضيقت عينيها فيه) كي يبدى يقلق فيك قول بلي انا عاقل هو الى راه يتبلى فيا ..

فرات ( عمل كي شغل راه يخيط في شفافه ورمى المفتاح وراه ) ام

اسيل ( فوتت لسانها على شفافها وتلفت ليهم ) اوكي انا ونجيب رح نكملوا الباقي حتى ترجعوا نتوما

سيدرا (تبسمت مع الباقي .. ) ضرك نرجعوا

في تلك الاثناء ايراد بقى شاد يدها ويتمشاو مع بعض ..والصمت سيد الموقف .. صمت ثقيل للغاية ماعرفتش السبب تاعه .. بقاو على هذاك الحال حتى دخلوا للصالون .. ولكن كان هكاك ورح يقدرو يسمعوهم ولهذا حب يبعد كثر ..توغلوا وسط الفيلا حتى وصلوا للكوزينة تما طلق يدها ودخل هو الاول وهي وراه .. تحاول تعرف واش بيه ولكن ماقدرت تلتقط اي حاجة

سيدرا ( سرطت ريقها وتقدمت كثر منه ) ايراد .. واش بيك

ايراد ( زير على البونية نتاعه وحاول انه ما يتهورش ولا يعمل شيء .. ممكن بزاف تكون ضنونه خاطئة فيها وطبعا رح تديها سبة حتى تبدى تقلق فيه ) رح نسالك سؤال جاوبيني ب ايه ولا لا