نصف عاهرة بين مخالب طاغية الكاتبة منال منولة باللهجة الجزائرية

انت كحلم سلب مني

تتمة للاحداث السابقة

كانت واقفة تما وحاطة يدها على خصرها المنحوت .. فالوقت هذاك تلاقات العين فالعين .. هو مكانش يستنى في لقطة كيما هاذيك .. ولاهي وقت حلت باب الكابين .. وقت شافتو تسمرت في مكانها .. اما هو هبط رجلو ووقف كيف الحيط ..وبقى يقرب منها وعينيه البنية تفلي فيها فلي .. فجاة اصبح الجو حار بالرغم من لمكيفات الى كانت مشغلة فالمكان

معقول وهو امامو الانثى الصغيرة هاذي .. وهي متالقة بالاسود . ومفاتنها كامل امامو معروضة .. قرب منها بخطوات رزينة وهو مزال تامل فاللوحة الى امامو .. كان صدرها مرفوع وباين منو شوي ... والشكل تاع المايو طايح عليها هبال مع المنحيات تعها عطاولها وحد المنظر ماشي نرمال

ايراد (قرب منها كثر وصار صدرو يطلع ويهبط مش عارف فالدقيقة هاذيك وش صرى بالظبط قربلها كثر وحط يدو على خدها وجبدها لعندو ..خبطت فصدرو العريض القاسي .. حس بالتفاحات نتعها طرايااا يستفزو في هرمونات الرغبة نتاعو

تخالطت الانفاس نتاعهم وصارت تحرق .. حست بيدو على ظهرها العريان تمشى بالعقل تقول قاعد يعزف ولا الحرارة ولدفئ الى حست بيهم وقت قربلها ولاريحتو الرجولية الى دخلت لعروش نيفها ولانو اطول منها حط راسو على راسها ويدو مشات وتغلغت في شعرها وصار ينفث في نارو عليها شعور غير

pas mal **

سيدرا ( وقت سمعت صوتو الرجولى فاقت على روحها ومن سرحتها .. حلت عينيها لقاتو مزال في بلاصتو قاعد والتلفون في يدو شافت في روحها ممبعد دارت ودخلت تجري وغلقت الباب وتكات عليه ) واش راك دير لهنا

ايراد ( دوح براسو وحط التلفون في جيبو ووقف وتمشى فالبوتيك ..بقى يشوف فالتصاميم الى تما شاف وحد الدوبياس تاع الدونتال فالاكحل رفدهم وقعد يدور فيهم .. ) توحشتك قلت علاه مانتبعهاش ونشبع من وجها شوي .. كيفاه وش راني ندير لهنا واقيلا البوتيك تاعك

سيدرا ( كانت تنحي فالمايو ومزال قلبها يضرب ف 100 .. ووجها احمر رح تطرطق ) والله لاتقول تبيعة وصاي

ايراد ( رجع وفي يدو موديلات دوبياس وقف عند الباب ونطق بصوتو الرجولى ) اخرجي

سيدرا ( سرطت ريقها وقت قالها هكاك تخلطت ) علاه وش تحب مني

ايراد ( مسح على جبهتو بالعقل وعقد حواجبو الكحلة وصارت تفاحة ادم الى عندو تطلع وتهبط ) اخرجي خيرلك والا رح نهدلك الباب على راسك

سيدرا ( خذات نفس طويل وحلت الباب بالعقل ) وي

ايراد ( وقت شافها كيف القطة بذوك العينين المعمرين خبث و جبدها من ذراعها كيف الريشة وحطها قدام المرايااا ووقف وراها وبقى يشوف فالانعكاس نتعها وحط الدوبياس قدام صدرها ) هذا يليق بيك اكثر وتاع السن تاعك يبين المفاتن تاعك بصح ماشي بطريقة فاضحة بزاف