نصف عاهرة بين مخالب طاغية الكاتبة منال منولة باللهجة الجزائرية

هدوء مرعب

تتمة للأحداث السابقة

الظل ( نسفت .. مكانتش تحب انها تعطي تفاصيل اكثر على رغبة الكساندرا بالاخص لعميلة ) اعيد واكرر ان اقترب اي منكم من سيدرا اول حاول ايذائها سأقتلع عينيه وهو حي .. هل هذا واضح كفاية ؟

العميلة ( رفعت حاجبها .. كانت هاذي الالغاز مخليتها متعطشة اكثر واكثر ) حسنا .. لقد فهمت

الظل ( شافت فالساعة ممبعد رجعت للمكالمة نتعها ) انسحبوا وفي الحال . في الحال !

العميلة ( مالقات حل اخر .. صحيح هي متمردة وتحب تخدم من راسها ولكن في ان الموضوع .. في هذاك الوقت الظل كانت قطعت الخط ما جعل المجندة تلقى نظرة اخيرة .. في تلك الاثناء كانت اسيل واقفة تحكي مع احد الحرس ) انتظريني ايتها السافلة واعدك ان اقوم بتشويه وجهك الجميل الذي تتباهين به في كل مكان . هذا وعد ووعد الحر دين عليه !

قالت اخر كلمات ليها متوعدة اسيل بعقاب يليق بيها .. ممبعد جرات بسرعة كبيرة وقفزت من السفينة في المياه المالحة .. المجندة هاذي صرالها كيما الاسد الى يكون يجرى ورى الفريسة تاعه ووقت يحصرها في زاوية ويجهز روحه للانقضاض عليها .. يجي صياد متباهي بالبندقية تاعه ويخسر عليه القعدة الى كانت في باله

عودة مجددا الى اجواء الحفل ..او العرس ان صح لتعبير .. و الى جمع كامل الاحباب في مكان واحد وحتى الاعداء والمتخاصمين .. مثال وعد وسيدرا الى كانت واقفة تتفرج على العرسان وهوما يرقصوا مع في ساحة الرقص ..كان منظرهم يوحي انهم يحبوا بعض ويعملوا اي حاجة في سبيل يريحوا بعض .. تماما كيف حالتها مع ايراد

ولكن الفرد الى محلى العرس هو مايا .. الى طلبت من رضوى تصمملها نفس لاغوب .. وكانت ترقص وفرحانة كما لو كان عرسها هي ههههه .. المشاكسة الصغيرة .. وبينما هي ساهية مع الاجواء للتفاجئ بالاب نتعها كي تقدم منها

نجيب (مدلها يده ) تتكرمي عليا بالرقصة هاذي

سيدرا (تبسمت .. وشكون يرفض عرض الوسيم هذا ) وشكون يقول لا للبروفيسور نجيب .. بصح اسيل غادي تزعف من ضرك نخبرك

نجيب (تلفت لقاها تحكي فالفون ) راهي لاهية

سيدرا (مدلته يدها بينما هو تقدم منها وحكمها وتمشاو مع بعض لساحة الرقص ) شعال تمنيت تكون معايااا نهار عرسي .. ونرقص انا وياك قدام الحسادين ههههههه ولغيورين

نجيب ( تقدم وطبع بوسة على جبهتها ) حتى انا تمنيت نشوفك باالابيض هكا .. وتمنيت انا بيدي الى نعطيك لراجلك

سيدرا (غمزاته بخبث ) واش رايك كي نولد وكلشي .. نلبسلك الابيض ونديرو عرس بينا موافق

نجيب ( خذى نفس طويل ) ياريت بنتي .. ياريت

سيدرا (سكتت شوي ممبعد رفعت حاجبها ) ممكن تحكيلي على اختي الى ماتت

نجيب (استغرب بزاف ) واش الى خلاك تتفكري الموضوع هذا ضرك