نصف عاهرة بين مخالب طاغية الكاتبة منال منولة باللهجة الجزائرية

ظهر الحق وزهق الباطل

تتمة للاحداث السابقة

... قاعدين الداخل وبالتحديد في ملعب التنس المغلق .. الخاص بالشخصيات المهمة .. كان يحكي وهو تسمع ب اهتمام لكل كلمة يقول فيها .. وطول الوقت كانت دموعها على خدها .. كمية الوجع الى حستها في قصته قتلتها الف مرة .. يعني الدنيا ظلمت الاب نتاعها مرات ماشي مرة وحدة برك وكان نفس الشخص هو الى قاعد يسرق منه لحظات لوكان يدفع مال الدنيا مارحش يقدر يعوضهم

سيدرا ( مسحت دموعها وحكملته يديه للزوج ) مزية انك قدرت تهرب من بين يديهم

البروفيسور ( حط يده على خد سيدرا ومسحلها دمعة ) كنت كل ليلة نخمم كان فيك انتي واسيل وخوك .. كنتو نتوما الحاجة لى مخليتني نكافح

سيدرا ( سرطت ريقها ) اسيل مفكرة بلي انت تخليت عليها . وطبعا بعدما البشير وفهد هذاك لفقولك التهمة ودخلوك للحبس

البروفيسور ( نسف ) مستحيل نتخلى عليها .. صح انا مع الاول تزوجتها لحتى نحميها بصح مع الوقت حبيتها وعشقتها

سيدرا ( هزت كتافها ) ماشي بيدها .. لانك وقت مشيت البشير الرخيس مرة اخرى هو وفهد استفردو بيها ونحاولها خويا من بين يديها وماشي هكا برك .. فهد كان جرب مشروع 'عيون الغزال ' على كبدته وهذا الشئ الى خلا ماما تهبل وتقتل فهد

البروفيسور (كان يسمع وماشي مصدق ) الرخيس الجبان وممبعد

سيدرا ( مسحت على وجها ) وللاسف انا حضرت المشهد هذاك وقت قتلاته وشتها وهوما داينها لابوليس

البروفيسور (حكمها من وجها ) وين بقيتي نتي في ذاك الوقت

سيدرا ( تبسمت والوجع يطحن فيها من الداخل ) وقت تحبست .. لابوليس عيطت لجدي محمود الى قبل يتكفل بيا بعدما بدل اسمه وحذف اسيل تماما من حياته

البروفيسور ( كان يرجف .. ماشي مصدق ) واسيل وين مشات بعد الحبس .. لاني حوست عليها في كامل السجلات وفص ملح وذاب

سيدرا ( ضحكت ) ماتعرفهاش .. ماتقدرش تبقى بلا مغامرات

البروفيسور ( استغرب بزاف ) وش قصدك

سيدرا ( وقفت من بلاصتها وتمشات ) وقت كانت فالحبس جاتها عميلة فالمخابرات وقاتلها رح نهربوك مقابل تتعاوني معانا لحتى نكشفو الثالوث الاحمر .. وهي وافقت