نصف عاهرة بين مخالب طاغية الكاتبة منال منولة باللهجة الجزائرية

الهدوء ما قبل العاصفة

تتمة للاحداث السابقة ..

ايراد وقت شافها حلت عينيها ماصدقش ..كانت هذه اسعد لحظة في حياته .. رجوع سيدرا من بين يدين ملاك الموت .. كان حاسس انها قوية ومارحش تضعف وتسلم .. كان حاسس انه كاين جزء اخر في هاذي القصة مزال مايتحكي .. حط يده على جبهتها وبقى يمسحلها لحتى يقدر يحكيلها بهدوء ولحتى هي ماتخافش وتدخل في صدمة .. بينما هي كانت تشوف يمين وشمال .. وقدرت تعرف انها في شومبرا تاع كلينيك

سيدرا (عاودت شافت في ايراد ودموع يطيحو من عينيها ) وين راني

ايراد ( ححكملها يدها وطبع عليها بوسة ورجع يشوف معاها وفي عينيها الخضر .. الى توحشهم بزاف ) راكي عندي وين رح تكوني يعني

سيدرا ( طلعت يدها وحطتها على لحيته وبقات تمسح ) احكيلي وش صرى كل الى راني متفكراته هو انه كنت مع باباتي و جراو مورانا ناس و

ايراد ( عقد حواجبه .. وحس بنار تشعل فيه معقول تبقى راقدة ووقت ماتنوض تحكي على الاب نتعها .. خذى نفس طويل وقعد على طرف الفراش وماشي قادر يشبع من هدرتها .. حتى انه ماناضش عيط للطبيب حتى .. ابتسامة مالية ملامح وججه وهو يحكي معاها بعدما الموت قرر يسرقها منه ) بالعقل سيدرا ضرك انا نحكيلك

سيدرا ( طلعت يدها وحطتها على جبهتها وبقات تتفكر في فلاشات ) كانت جازية .. جازية هي رئيسة المنظمة و

ايراد ( حكملها يديها وهي داخلة في ذيك الصدمة لحتى ماتذيش روحها .. يعني كان شئ متوقع .. الى صرى ماشي قليل ولا بالهين .. مالا خلاها تحكي وتجبد على كلشي ) علابالي .. وكنت عرفت هذا الشئ بعدما سالت فرات على واش طلبت منه وقت يدخل للقصر واكتشفت مممر سري في شومبرتها وتما لقيت دفتر مذكراتها وهي نفسها الكسندرا

سيدرا ( دموعها بداو يسيلو .. بالاخص وقت تفكرت كي حطوها فالطموبيل ولا وقت تقلبت بيها ) اهئ اهئ .. ايراد كنت رح نموت اهئ اهئ

ايراد ( ناض من حذاها وجا عند راسها وطبع عليه بوسة وعلى جبهتها وكمل على يديها .. وبعدها شاف فيها ) هاكي عندي ضرك ..

سيدرا (حطت يديها على وجهه المعمر خدوش وصارت تشوف في عينيه ) كنت رح نموت .. كنا رح نموتو ايراد .. الطموبيل تقلبت بينا و كنا رح نموتو

ايراد ( حط راسه على راسها وصار يحكي بصوت هادي .. ويده على خدها يمسحلها بحنية .. اللحظات هاذيك كانت صعيبة بزاف عليهم ) اما نظن خرج للحكاية جزء اخر امممم

سيدرا ( بقات تمسح في نيفها على نيف ايراد وتبكي بحرقة ) وانت جيت .. وانت جيت وكنا رح نموتو اهئ اهئ .. الطموبيل .. الطموبيل اهئ اهئ .. ايراد الطموبيل

ايراد (رجع لذيك للحظة من جديد وقت كانو صح رح يموتو مع بعض .. هو يعيط وهي تعيط .. حتى فالموت وكانو كيما القطوطا تماما .. متناقرين ) بلاكي تخمي تخليني مرة اخرى .. بلاكي سيدرا ماتحاوليش تختبري حبي ليك .. لانك تعرفي مليح انت وش بالنسبة ليا