نصف عاهرة بين مخالب طاغية الكاتبة منال منولة باللهجة الجزائرية

امتحان

تتمة للاحداث السابقة

البنت 2 شافت القارد جايين من الاتجاه نتاعهم .. طلعت الكابوس وزيرت على سنانها وبدات تيرى الفوق .. طلقات عشوائية الشئ الى خلى الحراس يتراجعوا لور .ويتخباو ور الطموبيلات لحتى يكسبو وقت ويقدرو يهاجمو . فالوقت هذاك حلت المساعدة نتعها الباب ودفعت بسيدرا الداخل هاذييك الطموبيل غير مبالية بالاصابة نتعها ... كي عرفت انه صاي الخطر زال جرات وحل الباب الاخر وركبت واقلعت الطموبيل هاذيك تتوغل فالشوارع تاع اسبانيا

القارد 1 ( خرج من ورى لطموبيل وجبد الفون ) لازم نعيطو لمسيو ايراد .. وانت لازار امشى ورى الطموبيل هاذيك .. وخبرني بواش يصرى

القارد 3 (شر لباقي القارد ) حاضر

القارد 2 . هبلت وش بيك يقتلنا ولوكان يعرف بلي خليناها خطفتها خلينا نسلكوها بالسكات

القارد1 .( دوح براسه ) عيط للاسعاف خف روحك وخليني انا تكفل بالباقي .

انطلقت طموبيل من حاشية ايراد المالكي ورى طموبيل المختطفين يتعقبو فيهم .. كان من المستحيل يخلوها يصيبها اي مكروه لانه رح يكون عقابهم عسير .. وللاسف. ليلة الى من المفروض تكون مميزة .وهادية في صالون للاعتناء بالاظفار ولكن تحولت لكارثة والمساحة الصغيرة الى من المفروض البنات يدلو فيها رواحهم تحول وكانها ساحة حرب .. مرايات مكسرين وزجاج ودم في كل بلاصة

ايراد هو الاخر يمكن مكانش عارف وش صرى ولكن قرر انو يخرج بكري من الشركة ويمشى يدي البنات معاه لقصر .. وزيد سيدرا اخر رسالة بعثتها كانت من شئ ساعة هكاك وهو طلب منها تبقى تعملو في Update لكل حاجة يعملوها انطلق بالحاشية نتاعه تتوغل وسط شوارع مدريد بينما هو قاعد ويشرب من المشروب تاعه المفضل وادم قباله

ادم ( حامل الفون بين يديه ويعيط ويعاود ممبعد رفع راسه وشاف في ايراد ) قولي سيدرا حكات معاك

ايراد ( استغرب حط كاس المشروب على جيه وعقد حواجبه ) اخر ميساج من ساعة ..علاه

ادم ( نسف ) ديمة ماهيش ترد عليا وهاذي اول مرة تعملها

ايراد ( هو الاخر تفاجئ بالفون يفيبرى .. كان واحد من الحاشية نتاعه رفد عليه ) وي

القارد 1 . مسيو ايراد صرى des attaques فالصالون الى كانو فيه البنات .. والى دارو الهجوم داو مدام سيدرا

ايراد ( كور البونية تاعه وعيط بكل قوته وعينيه رح يخرجوا من بلاصتهم ) كيفاه خليتهم داوها ..كيفاه

القارد 1 (مسح العرق من جبينه ) راه كاين من الايكيب تعنا لحقوهم وراني بعتلهم بالدعم

ايراد ( مسح على جبهته ونسف ) وانت وش راك تدير تما .. علاه مالحقتهاش وعلاه حتى ضرك باه تعيطلي