نصف عاهرة بين مخالب طاغية الكاتبة منال منولة باللهجة الجزائرية

حريق اضرم في قلبي

تتمة للاحداث السابقة

دقائق كانت حتى الفيلا كلها تهزت .. وكانها زلزال ضربها .. الشئ ال خلاها تعيط بكل قوتها ' اااااا " حطت يديها على وذنيها وكملت فرقعات صغيرة تضرب فالفيلا .. ولكن الشئ الاكيد انو كاين حاجة صرات ناضت من مكانها وصارت تحاول تتشبث باي حاجة كانت حتى وصلت للباب حلاته شوي وشافت الدخان ولسان النار طالع للسما

تم تم رجعت غلقت الباب وتكات عليه كانت تحس انه راح تفقد الوعي وتدخل في صدمة لكن حاولت انها تركز شوي حاولت انها تتفكر وش لازم دير تلفت لقات لجهاز الانذار خذات نفس اخر وتمشات والرؤية نتعها مزالها ماشي واضحة حتى وصلت ليه وين حلت العلبة الزجاجية وظغطت عليه وين انطلقت المياه في كامل الفيلا ولكن بما انو فيها المادة القابلة للالتهاب .. زادت الامور سوء ولهبت النار كثر وكثر

تراجعت لور وحبت تسلك روحها وتسلك عاصم الى كان تما معاها محبوس ..

دخلت للدوش حكمت منشفة كبيرة حلت الماء البارد عليها وشمخت كامل روحها بالماء البارد وبعدها حطت المنشفة على روحها وتمشات من اتجاه الباب تشجعت وحاولت انه تردد في قلبها ' ماتخافيش سيدرا كلشي رح يكون بخير .. ماتخافيش '

حلت الباب و خرجت من الشومبرا نتعها حاطة الاغطية المشمخة على ظهرها لحتى ماتتحرقش والدخان كان كثيف خقنها ولرؤية مكانتش واضحة وصارت تمشى وتحوس على عاصم وفي نفس الوقت يدها فالفون تعيط لاي شخص قادر ينجدهم ماعرفتش لشكون عيطت من هول المشهد لى كانت فيه

سيدرا ( تحوس عليه من بلاصة لاختها وتعيط ) عاصم ..عاصم وينك ..

ايراد ( حس بالفون نتاعه في جيبه .. قطع الحديث تاعه مع صوفيا ووقف حل لفاست وجبد الفون كانت سيدرا رفد بلا مايخمم ) مرتي

سيدرا ( تكح وتحس نفسها ينقطع وحاجة تحرق في صدرها ) ايراد النار شعلت فالفيلا

ايراد ( عينييه توسعوا .. وشاف فالقارد الى كان معاه .. ) عيط ل les pompier وعطيهم الادراس تاع الفيلا في بطرس برغ خف خف مكان وقت ..

سيدرا ( تسدنت على الحيط ) كح كح كح

ايراد ( بدون مايفكر خارج من دار صوفيا ومزال يحكي ويحاول يهديها لحتى يوصل تما ياريت ماخرج ياريت بعث اي واحد في مكانه ) سيدرا اسمعيني مليح .. اخرجي من تما فهمتي .. راني جاي ..سيدرا طيحت لفون من يدها وقت نار لهبت امامها اشتدت السنة النار ولهبت تقريبا كامل فالدار .. وصار الانفجارات تتوالى بالاخص كي وصلت لخيوط الكهرباء تما وين شعلت كثر .. وبدى الشضايا والبقايا يطيحو من الفوق كانت رح تفوت قريب ماطيح عليها شضية ماحست غير بالقارد جبدها لور

سيدرا (صارت ترد فالنفس ومزالها ترجف ) عاصم ..كح كح

الدخان كان يخنق فيها والخطر محاوطها من كل جيه وبلاص والمبنى قادر ينهار في اي دقيقة ولكن ماحبتش تخرج وتخليه ف الفيلا .حاطة الكمامة على فمها لحتى الدخان مايتسربش للداخل ويحرقها المسالك التنفس نتعها وبقات تدور وتحوس حتى .حست بالحرس كي قربوا ليها يجبدو فيها لبرى وهي تحاول تفهمهم