نصف عاهرة بين مخالب طاغية الكاتبة منال منولة باللهجة الجزائرية

مجهولة تحلق فوق شواطئ قدري

تتمة للاحداث السابقة

سيدرا ( حست بالماء الى طرش عليها .. صارت كيف القطة تماما .. تبلت من ساسها لراسها ..كامل التحضيرات الى عملتها ضاعت سدا وبسبب شكون المريض هذا .. موجة غضب اجتاحتها كبيرة .. صارت تنهج وصدرها يطلع ويهبط من الماء البارد .. شعرها طاح على وجها طلعت صباعتيها بالعقل وحاولت انها توخر ودارت بالعقل ورفدت يديها تشوف فيهم مش مصدقة ) انت وش عملت

ايراد ( حط الدلو على جيه ورجع رد حط يديه في جيابو ووقف .. عينيه السوداء تفلي فيها فلي وحد النظرات اعتلت الملامح الرجولية نتاعو وحس بالانتصار نتاعو على هاذي المتعجرفة الصغيرة ) عقمتك ماشي نتي تخافي من الجراثيم م.الا كنت نعقم فيك كيما يعملو في لارمي والحباس باه البق مايركبش فالجنود

البشير ( حط يدو على وجهو مش مصدق انو حفيدو هكا قاسي القلب ) خلاص بزاف ايراد ولدي

سيدرا ( وخرت الشعر من على وجها وتبسمت لتحتى ماتحسسوش بالنصر ) علاه ماكش عارف انو غير الخنثى الى يحط الطالك .. اما اكيد les supérieures كان يعرفوك خير من الكل علابيها كانو يحطولك الطالك ياقطة انتي

ايراد ( نحى يديه من جيبو ومسح على نيفو . . بدات الاجواء تتصاعد بينهم والمرة هاذي رح يخسرلها ملامح وجها .. قرب بالعقل ليها وهي بدات تتراجع لور عينيه كانو يشعلو اليوم ليلتها لامحالة ) عاودي وش كنتي تقولي

سيدرا ( سرطت ريقها وصارت ترجع لور بالعقل وصدرها يطلع ويهبط ) الى سمعتو

البشير ( صفقلهم للزوج وعيط وحط يدو على قلبو ) ايراد سيدرا حبسوا كح ككح .. كح كح

سيدرا ( استغلت الشئ الى كان فيها البشير واوب هربت من بين مخالب ايراد الى كانت رح تمزقها وتمشات بسرعة لعند الكرسي المتحرك وهبطت للمستوى نتاعو ) خليني نشوف ضغطك

البشير ( حط يدو على شعرها وبقى يشوف مع عينيها الى يلمعو ) روحي بدلي ضرك تمرضي بنتي روحي

ايراد ( مسح على وجهو من كثر الغيض ودار لعندو يشوف فيه .. يشوف في جدو الى عمرو لادعمو يحن على طفلة ماهي من لحمو ولا دمو ولا حتى حاجة اخرى ) راني نشوف راك تلم فالمتشردين .. واش البشير نويت تتوكل عند عزرائيل ..وحبيت تلاقيه بعمل تاع خير

البشير ( تنهد من عروش قلبو ) سيدرا الممرضة نتاعي .. حط يدو وبقى يمسحلها فالماء وهمس بالعقل

_ روحي يابنتي غيري ونشفي روحك يل ايلا ..

سيدرا ( رفعت راسها ودارت ماحبتش اصلا تشوف مع ايراد .. لانها موجدتلو مقلب على الاصول ..) رح نوريلك شكون سيدرا

ايراد ( دور عينيه فالسما .. من بكري يقابل كان النساء الراقيات والى لتعامل ماعهم يكون مرات خدمة ولا علاقة عابرة اما سيدرا كيف الشوكة دور راسو لبشير ) مليحة فكرة الملجئ بصح مارحش تناسب واحد شيطان كيفك .. وعزرائيل رح يتفنن في تعذيبك صدقني