هي فتاة عشرينية عاشت في كنف جدها بعد انفصال والديها .. ضاقت انواع المضايقات والتنمر سواء من المحيطين بها او القريبين منا .. انثى ذات شخصية متمردة وقاسية .. ولدت من رحم المعانات هدفها الاول هو الوصول الى اعلى المراتب لايهم كيف ومتى ..
صعبة المراس لا...
صار المساء .. مازلنا في اسبانيا .. او الاندلس كيما بكري كانو يقولو عليها ولكن انتقلنا الى مكان اخر في مدريد وبالتحديد في كلينيك نجلا .. وين الناس تجي تما لحتى تتلقى علاج وتحاول تخرج من الصدمات الى تعرضتلها
اما في الطابق الارضي ..في اخر الكلوار الى كان فيه نص المصابيح طافية .. وبعض الجرذان تجري هنا ولهيك .. في غرفة منسية .. حلت عينيها على وسعهم .. وتما شافت كان البياض .. رمشت بضع مرات وحاولت تنوض لتكتشف انها مربوطة كيف المهابل
جازية ( صارت تدقق مليح .. لالا مستحيل تكون شومبرا في مصح .. مستحيل .. .. كان اللون الابيض محاوطها من كل جهة وصوب . ) ايراااد ..ايراد المالكي .. ايراااااد خرجني من هنا
نجلا ( كانت واقفة ورى الزجاج .. حبت تلاحظها ووفي نفس الوقت تسجل ل ايراد هذا الفيديوهات ) زيدي عيطي
جازية ( ناضت من بلاصتها وجرات حتى وصلت للزجاج وبقات تحاول تشوف اي حاجة منه ) ايراااااااد .. ايرااااااااد خرجني من هنا ..
نجلا ( دورتلها الطابلات .. ) زيدي هههههههه
جازية ( سرطت ريقها ) علابالي راكم تشوفو فيا .. وتسمعوني مليح مليح .. علابالي بيها .. خرجوني من هنا ورح نمدلكم اي حاجة .. اي حاجة
نجلا ( رفعت حاجبها ) امممم عرض شباب بزاف
جازية ( ضحكت ) رح نمدلكم اي حاجة .. دراهم ولا الى تحبو .. عندي املاك وذهب والماس .. الى يخرجني من هنا رح نخليه يعيش ملك .. خرجوني من هنا ..
نجلا ( رفعت حاجب وهبطت الاخر ) الدراهم هاذوك كون زدتيهم في روحك وبقيتي بعيدة على ايراد المالكي .. واش نقولك قضيتك صعيبة بزاف وذهب الدنيا كامل ومارحش يفيدك عزيزتي ...
حطت صباعها على وحد الزز في الحائط وبدى يهبط ريدوا عازل .. بينما هي عاودت رفعت الطابلات لحتى تعمل صور اخرى لجازية قبل ما يتقفل قاع.. كان هذا طلب من ايراد يمكن حاب يشوفها وهي تتعذب ولا لحتى يتاكد من هدرة نجلا ..
