نصف عاهرة بين مخالب طاغية الكاتبة منال منولة باللهجة الجزائرية

متى ينقضى هذا الحلم السئ حبيبي

**توضيح صغير قبل الحلقات لاني نحب تكونوا فاهمين كل حاجة .. فرات وقت جا ل روسيا كان مكانش عارف بلي ايراد هو الهدف ولا اصلا الهدف راه مع ايراد .. مالا هو عمل كيف ماطلبت منه الرئيسة هاذي اولا .. ثانيا رح تفهموا شكون الهدف وكيفاه المنظمة عرفت بيه .. الحلقات هاذي فيها تفاصيل بزاف مالا حاولوا تستوعبوا وماتتسرعوش )

تتمة للاحداث السابقة

فرات مكانش شايف ايراد مليح ... هو التعليمات الى تعطات ليه انو يقتل الهدف الى هو رجل في 50 هكا وراه نازل فالاوتيل هذا ..ولكن الشخص الى امامو والى باين شوي من جسمه وعضلاته المفتولة ..يبان شخص صغير فالعمر وبعيد كل البعد على المواصفات الى تعطات ليه .. شكون هذا القارد ولا غلط فالشومبرا.. حكمه لفضول و شق الباب اكثر وتوضحت ليه ملامح الشخص الى كان ايراد المالكي الاخ الكبير نتاعه وعينيه توسعوا في لحظة تخلل التوازن تاعه حاجة مكانش متوقعها

ايراد ( فتح الدريسنغ .. ليهجم فرات عليه ويضربه للكرش بالركبة .الضربة خلاته يتراجع لور ولكن. ايراد عاود استعاد التوازن تاعه وبكل ماعندو من قوة خبط فرات على الحيط وحط يده على رقبته ) خويا الصغير واخيرا رجعنا تلاقينا

فرات ( كان يكره ايراد ولقاها فرصة ثمينة .. ضرب رجلو على رجل ايراد وعطاه بونية للوجه اما الاخ كان الكبير كان متمرس اكثر وعنده خبرة .. دار وبقى يضرب في فرات اليد الشئ الى خلى الابرة طيح ويطيح معاها فرات على الارض ) جيتني برجليك ومارحش نخليك الا وانت ميت ايراد المالكي

ايراد ( جرى ورى فرات وهبط عليه وثب فوقه وضربلو يدو وبقى يعافر فيه ممبعد حكم الابرة هاذيك وحطهالو على رقبتو ) وش رايك نتبادلو وانا الى نقلتك اليوم اممم

فرات ( كان يحس بوثبة ايراد على ظهرو وبثقله ) ماعلاباليش كيفاه حتى وصلت لهنا .. وانا اصلا ماجيتش علاجالك بصح كي راهي هكا .. هيا اقتلني .. اقتلني اصلا انت هذا وش تعرف دير

ايراد وقت فرات سالو ..للحظة شرد والذاكرة نتاعه راحت للنهار البارح .. الى ماشي برك لقى عاصم في اخر مكان توقعه ولكن ايضا عرف حقيقة المشروع وكيفاه من منظمة تابعة للدولة وتخدم ممعاها كتف لكتف تحولت لمشروع لتجنيد القتلة والجواسيس ولكن فيه عرف انو الثالوث الاحمر راهم يتعقبوا فيه من مكان ل خوه ويمكن عرض حياة عاصم للخطر

*** فلاش باك ***

روسيا .. وبعد ليلة طويلة اصبحنا واصبح الملك لله ..يوم جديد حلق في الافق .. كانت عاصفة ثلجية كبيرة جاية والارصاد الجوية حذرت من المشى فيها ولا التجوال ..وبسبب هذا الخبر تاجلت مبارات التزلج الى كانت مبرمجة وحتى الرحلات للجبال والكل قرر يبقى في مكانه تجنبا للحوادث اما بالنسبة ل ايراد كانت فرصة ليه لحتى ينفذ البلان الى في راسه بالاخص بعد مكالمة ادم ليه كي كان فالكلينيك مع عاصم وسيدرا