نصف عاهرة بين مخالب طاغية الكاتبة منال منولة باللهجة الجزائرية

ولا ازال لم افهم نظريتك عن الحب متمردتي

تتمة للاحداث السابقة

سيدرا ( نسفت وحكمت السيروم عليها وصارت تحط على اطراف شعرها ) زهر

وعد ( عقدت حواجبها .. ) علاش سيدرا تحوسي على رقم المحامي .. لتكوني لا مستحيل نصدق ..

سيدرا ( كانت تحس بمرارة غريبة عمرها لا حست بيها . . فراغ في صدرها وكانه الايام صارت مملة بدون اي طعم تمشي لمجرد انها تمشي )

وعد ( وقت شافت سيدرا سكتت .. زادت شكوكها رجعت تسال فيها مرة اخرى ) سيدرا قولي اي حاجة لحتى الفكرة هاذي تخرج من راسي .. قولي اني نحب ندي رايه في حاجة تخص املاكك الى هنا ولا عفسة

سيدرا ( سكتت .. مالقات ماتقول مع انه هي دديما عندها هدرة والصرف واجد )

وعد ( حطت يدها على كتف سيدرا ودورتها ليها ) سيدرا مارحش تحكيلي .. ياخي انا وعد اختك .. فرغي وخرجي وش كاين في قلبك

سيدرا ( حطت المشط ونسفت ) لوكان نحكيلك مارحش تفهمي ولا حتى واحد مارح يفهم وعلى هاذي وليت نخلي كلشي عندي وفي قلبي

وعد ( حكمت المشط و بقات تعدلل في شعرها وتمشطلها فيه ) جربي رح تلقايني كلي اذان صاغية ونوعدك مارح نقول حتى حاجة حتى تخلصي

سيدرا ( هزت كتافها وعينيها تعمرو دموع .. وكانه دموعها قاعدين يهددوا فيها لوكان تحكي يفضحوها وينزلو ) راني كارهة وعيانة وعد وراني نحوس لحل لحياتي .. تعرفي مرات نقول ياريتني كنت بنت عادية عايشة في عايلة نرمال ونقرى في لفاك وكل همي نشري شوز شته في كاش سيت ولا صاك

وعد ( ضحكت وتوقفت على تمشيط شعر سيدرا ) بصح انتي ماشي عادية والدليل انك خليتي ايراد المالكي على سن ورمح يطيح ويجي حتى لهنا

سيدرا ( فوتت لسانها على شفافها ) وش الفايدة انه يجي وهو ما يسمعليش .. وش الفايدة وعد من راجل يقول انه يحبك وينفذ هو وش يحب

وعد ( سرطت ريقها ) للدرجة هاذي

سيدرا ( دوحت براسها .. مهما كانت رح تشرح الكل كان يشوف انه مدام مدللها صاي تسكت وتفوت بصح هي كانت تعبت من السكوت وصارت تحس انه علاقتها مع الراجل الى تحبه صارت بدون معنى وصار في شرخ كبير مستحيل يتصلح ) انتي شوفيلي رقم الماتر "حكمت" ونوعدك انه في اول فرصة رح نقعدو ونحكو وضرك خليني نخرج للهجالات الى برى تشوف

وعد ( بقات تشوف مع سيدرا كي خرجت من الدوش .. كانت حاسة بيها وشايفة الحزن في عينيها ) بالعقل برك

سيدرا (خرجت برى عند البنات و حطت يديها في خصرها ) مالا يا مدام ديمة كنت نقول انك والشملولة لخرى عارفين انه ايراد حاطط جازية عند نجلا وعارفين انه ماشي قادر يمشي وساكتين

ديمة ( تلفت لوسام ممبعد رجعت تشوف مع سيدرا ) بصراحة انا ماعندي مادخلني هذا اولا .. ثانيا ايراد طلب منا نسكتو خاطر شراكي حامل وحساسة والهرمونات دايرين حالة كيما اراكي تشوفي واحد ماسلك منك