نصف عاهرة بين مخالب طاغية الكاتبة منال منولة باللهجة الجزائرية

ولي العهد

تتمة للاحداث السابقة

ايراد في ذاك الوقت تفكر سيدرا .. والاكل الى صارت تتشهاه بزاف حتى الريجيم نتعها حادت بزاف عليه .. صح راهي كيما عملت عملية ولكن نفسيتها تحلت وماهيش تظل تراقب في وزنها كيما كانت بكرى .. بقى يشوف معاها ويسال في روحه .. معقول يعني تكون حامل

مسح على وجهه بتوتر .. مجرد التفكير فالامر كان ضرب من الجنون .. معقول تكون حامل منه ! يعني الوحم هو سبب المتاهة هاذي كامل والشبوكات والشريات .. يعني سيدرا حامل بولي العهد نتاعه .. ماعرفش وش يحس في ذلك الوقت ولا وش يدير .. مع انه اكثر شخص معروف بالتخطيط نتاعه للامور ولكن هذا الشئ ماشي متوقع ولا عمره خمم فيه

يعقوب ( استغرب من سكوت ايراد ) ايراد ششش وينك

ايراد ( رجع لوعيه مرة اخرى .. رمش بضع مرات وخذى نفس طويل ) راني معاك .. اسمعني ادخل هذا الاجتماع وكيما قتلك اكتب كامل الملاحظات وممبعد فوتهالي

يعقوب ( حك جبهته بعصبية وتما سمع صوت نوتي فالفون .. هبطه وحل الميساج وبقى يقرى وتم تم رجع يحكي ) اسمع ايراد .. غير ضرك شوي وصلني ميساج وصلني من هكتور .. طلب مني نتلاقاه ونعاوه وش رايك انت

ايراد ( فوت لسانه على شفافه .. الى كان متوقعه صرى .. طلع راسه لفوق ونسف بقوة يعني وين كان رح يهرب وهو ني دراهم ني حتى حاجة ) معليش وين المشكل امشي وعاون صاحبك بصح بلاك تنسى وش تفاهمنا

يعقوب ( ضحك ودوح براسه ) لا مانسيتش .. تحب حاجة اخرى

ايراد ( حك لحيته بعصبية .. وغمض عينيه وزير عليهم .. وش رح يصرى لوكان يسقسي خوه الصغير ) يعقوب قولي وئام كي كانت تتوحم وش كانت دير يعني .. راك فاهم .. قول راك فاهمني يعني وش قصدي

يعقوب ( دوح براسه يمين وشمال ونسف ) هبلتني تعرف وش يعني بلا الهرمونات هاذيك كل ممرة بعقلية مرة تحبني ومرة ماشي قادرة تشوف لوجهي كي شغل حياتنا رجعت حرب وزيد حملها صعيب والصغير لحد الان مزال مايحكم روحه

ايراد ( بقى يشوف مع سيدرا من بعيد .. يعني يمكن صح وش راه يخمم كيفاه مافاقش من وقت طويل .. كيفاه ) امممم فهمت

يعقوب (حس بالفضول .. كان رح يدخل للقاعة ممبعد تراجع لور ) علاه .. لتكون سيدرا

ايراد ( زير على البونية تاع يده .. كان كابح الحماس تاعه بصعوبة وضرك يعقوب يخسر كلشي ) اسمعني ماتحكي لحتى واحد حتى نتاكد فهمت