نصف عاهرة بين مخالب طاغية الكاتبة منال منولة باللهجة الجزائرية

اخشى عليك من اشعة الشمس وضوء القمر

مساء الخير ... حلقات اليوم 

ما تنساوش تخلولي ارائكم وتوقعاتكم لتحت 

النجمةةةةة اكليكوا عليهااااااااا باطل وبدون ما تدفعوا ولا دج 

تتمة للأحداث السابقة

ومرت دقائق كانوا فيهم وصلوا للفيلا .. وتما ايراد تقدم وفتح الباب ودخل الداخل .. ولحظات سيدرا لحقت عليه وصارت تفرك في يديها مع بعض للحصول على بعض الدفئ وتفاجئوا بالظلام الى كان .. هي صحيح كانت السماء مغيمة ولكن ماشي للدرجة هاذي .. الامر كان فيه ان .. ليحط يده في حزامه ويجبد الكابوس و يقول بحذر

_ارجعي لور !

سيدرا ( سرطت ريقها والرعب دب في كيانها كله وصارت ترجف من راسها لاخمص اصابع رجلها ) وش كاين

ايراد ( عاود تراجع لور وشارجا الكابوس ممبعد شاف في عينين سيدرا وصار يحكي بصوت اقرب للهمس ) نظن كاش واحد راه الداخل .. ابقاي لهنا حتى نشوف وش كاين .

سيدرا ( تلفتت لور وشرت على الحرس الى كانوا واقفين في الساحة ثم رجعت تشوف مع ايراد ) مستحيل شيء واحد يدخل واحنا عندنا كامل الحراسة هاذي

ايراد ( كان حاسس بلي كاين شيء حاجة غريبة راهي دور الدداخل وهو عمره لا يكذب حدسه ليعيد نفس الكلام ل سيدرا ) ابقاي لهنا شوي ونرجع

سيدرا ( تراجعت لور حتى خرجت من لفيلا وبقات واقفة عند الباب وتعيش هلع غير عادي .. وما قدرتش تتقبل انه كاين شخص خطير لداخل مع صغارها وبمجرد انه ايراد دخل صارت تدعي ) يا ربي استر .. يارب استرلي ولادي واحفظهملي راهم عاد صغار ومادالو والو

بينما سيدرا كانت واقفة عند الباب وتدعي ووترجى في ربي انه يحفظ زوجها وصغارها .. ايراد شق طريقه للداخل بحذر .. كان يتمشى ويشوف يمين وشمال .. ثم رفع رأسه لفوق وتفاجئ انه الكهرباء راهي مقطوعة فقط فالطابق الارضي .. امر عجيب للغاية .. ومع ذلك كمل يمشي وبقى يشوف فالأرض في نفس الوقت

تما شاف اثار تاع عفسات .. هبط ومرر يده على الاثر واذا بيه طين يعني الشخص هذا كان برى والرطوبة هاذي تعني انه ماشي من وقت طويل دخل .. رجع وقف وكمل يمشي ومسدد الكابوس للامام حتى دخل للصالون

كان بعض الاثاث ماشي في بلاصته يعني مرمي يمين وشمال وهذا يعني انه الشخص هذا جا يحوس على امر ما .. معقول !

كمل يمشي حتى لقى خادمة طايحة على الارض .. قرب ليها بخطوات سريعة وحط يده على رقبتها كان مزال فيها النبض يعني الدخيل ربما صرعها فقط ليقدر يكمل مهمته .. وبينما هو كذلك سمع الحس جاي ويقوى تما وقف وكان فقط ضوء الشميني الى مضوي المكان وتما وحد الظل تاع انسان يبان ولانه كان عاطيه بالظهر ما قدرش يحدد ما ان كانت امرأة ولا رجل