نصف عاهرة بين مخالب طاغية الكاتبة منال منولة باللهجة الجزائرية

حاول قتلي كي يخرسني للأبد

تتمة للاحداث السابقة

الحالة طورت .. كلمات سيدرا المستفزة خلات محمود ينقض عليها ويحاول يقتلها .. كانت تقاوم كيف اللبؤة وتحاول تخرج من بين المخالب نتاعو ولكن مكانش فايدة كان اقوى منها .. وكان غاضب ومستغيض حتى وعد حاولت معاه

وعد ( وقت شافتها تفقد فالوعي ووجها ازراق حلت الباب وعيطت ) ماما .. ميما اكرم وينكم .. بابا

سيدرا (كانت حبست تقاوم واستسلمت وراحت فالغيبوبة نفسها الى موالف تروح فيها ) ماما

زينب ( جدة سيدرا دخلت وقت سمعت العياط وتخلعت بالمنظر هذاك ) محمود وش رايك دير اطلق الطفلة اطلقها

محمود (كان مزير على رقبة سيدرا وعينيه حمر .. كان خرج على العقل نتاعو بسبب الهدرة الى سمعها منها وش يعني تتحدى فيه ولا كيفاه ) خليني نقتلها ونريح .خلوني

زينب ( عرفت انو الهدرة معادش تجيب فايدة كان لازم عليها تتصرف ..رجعت لور تعيط للباقي ) ابراهيم .. اكرم وينكم اجرولي

محمود ( بقى يشوف في سيدرا وهي تغفق وتخرج فالروح .. كان يشوف في شخص اخر مش حفيدتو شيطان صغير امامو..شيطان رح يفكك العايلة هاذي مرة اخرى ) خليها تموت قبل لاتفضحنا خليها تموت

لحظات دخل اكرم يجري .. صاب الدنيا مقلوبة .. الورق فالارض ومحمود واثب على سيدرا ويحاول يخنق فيها في لحظة جرى ليها وحط يديه على كتاف جدو وبكل قوة حاول يجبدو ليها ويهديه

اكرم ( عيط بااعلى صوتو ) رح تقتلها خليها

محمود ( هاج كثر ) خلوني نربيها

اكرم ( دار من اتجاه سيدرا وحكم يدين جدو على كانت على رقبتها ) جدي خلاص

ابراهيم وهاجر (دخلو و هو الاخر وهبط حكم محمود من كتافو وجبدو لور ) بابا وش بيك .. خليها

محمود ( وقف وصار يشوف في سيدرا وهي مغمية ووجها ازرق ) هي رح تكون كيفها ..لازمها تموت

زينب ( دخلت بينهم .. وصارت تبكي محروقة على الحال الى وصلو ليها ) اقتلني قبل .. اقتلني انا قبل محمود قبل لاتحط يديك عليها ..اهئ اهئ

ابراهيم ( ظغط على كتاف باباه وصار يحاول يشتت في الانتباه نتاعو ) يلا بابا خلينا نمشو برى يلا

محمود ( مسح على جبهتو ) حسبي الله ونعمل الوكيل.. حسبي الله

تمشاو برى الجناح ..ووجهو احمر ويتمتم بينو وبين روحو " رح تكون كيفها " بينما سيدرا كانت طايحة واكرم يحاول انو ينعش فيها ويفطن فيها .. ااما الضربات الى خذاتهم على راسها خلاوها تفقد الوعي والنبض نتعها يختفي

وعد ( حاكمة يد سيدرا وتبكي ومش مصدقة ) سيدرا اختي

اكرم ( عيط عليها حتى فزعها هو الاخر مكانش قادر يشوف الطفلة الى يحبها هكاك حتى لوكان راجل ) نوضي جيبيلي كلونيا نوضي