نصف عاهرة بين مخالب طاغية الكاتبة منال منولة باللهجة الجزائرية

انت عيدي وبهجتي

تتمة للاحداث السابقة ..

سيدرا وقت وصلت للباب كان في طابلات رقمها خصها تحط فيه شيفرة نسفت ودورت عينيها فالسما عرفت انه مهمتها رحت تكون صعيبة .. كان عندها محاولتين فقط طلعت حاجبها وبدات تفكر في الاحتمالات كلها

الوقت كان ضيق خصها تخدم عقلها عضت شفتها وكتبت اول شيفرة جات على بالها " زيوس " اسم اعز شخص على قلب ايراد ولكن كانت خاطئة تراجعت لور وحطت يدها على جبهتها تحاول تخفف التوتر نتعها بعدها غمضت عينيها ورجعت تفكر وش اكثر حاجة تعني لايراد فالدنيا ماغير العايلة لالا مستحيل يحط اي اسم من الاخوة تاعه .. مالا يمكن رح يروح للاحتمال الثاني وش اكثر حاجة بدلت حياة ايراد وقلبتها راسها على عقبها .. تبسمت بخبث ورجعت تكتب

سيدرا ( تغظط على الحروف .. صح كانت واثقة اما في لحظة خافت بزاف لانه اذا كان الشيفرة خاطئة رح يقلع جرس الانذار) الثالوث الاحمر

بقات تستنى حتى تحول الضوء لاخضر وقدرت تحل شيفرة المستودع وتما بدا يطلع الباب الالكتروني الفوق وبدات الاضواء تشعل ولمكان ينور .. مع الاول ترددت ولكن نباح الكلب خلاها تتخلى على التررد هذا ودخلت للمستودع بسرعة .. شافت يمين وشمال ورجعت كتبت الشيفرة على الطابلات الالكتروني تما بدى الباب يتغلق بهدوء وكان لحد الان كلشي تمام

تقدمت لامام .. كان صوت الطالون نتعها هو الصوت الوحيد الى فالمكان بقات تتقدم ولكن ماكان حتى حس توقعت تسمع انين مثلا او اي حاجة ولكن لا .. كملت تمشى حتى وصلت لوحد الشومبرا تما .. بتردد تقدمت ودفعت الباب وااذا بيها تشوف طيف وكانه راجل قاعد على كرسي باندفاع دخلت الداخل وتما شعلت الاضواء تلقائيا وصصرى الى ماتوقعته من الاول

ايراد ( واقف وراها وحاطط يديه في جيبه .. يشوف في شجاعتها الكبيرة الى خلاتها تكسر اوامره وتجي لهنا . تقدم منها ووقف في ظهرها وبقى يحكي ) بنتي ضيعت كاش حاجة

سيدرا ( وقتها جمدت مكانها .. حست دقات قلبها تتسارع تقول رح يتوقف ولكن اكيد كان رح يعرف سواء ضرك او حتى بعدما تهرب رئيس الخدم ) بنتك ؟

ايراد ( نحا يديه من جيابه والتف حواليها وكانه دبور .. ملامح الجامدة كانت تدل على انه اليوم مارحش يفوت على خير .. مسح على لحيته وقت قابلها وجه لوجه ) امممم بنتي .. لاني راني نحس اني باباك انا نقولك هاذيك الحاجة ماشي مليحة ونتي تديري عكسها ومجيك لهنا اثبتلي هذا الشئ

سيدرا ( فتحت شفافها لحتى تحكي ولكن هو حبسها كي وضع الاصبع نتاعه على شفتها )

ايراد ( حاطط صبعه على شفافها هاذوك .. الى على قد ماهي متمردة هوما فاتوه تمرد واستفزاز ) بصح بنتي الى ماهيش عارفته اني كيما انا باباها وفايتها ببزاف اعوام خرجت ماتعرفش تاني اني مربيها وخابزها وعاجنها وعارفها كي تخمم وتوقعت انها رح تجي لهنا لحتى تهرب الخروف من يد الذباح