نصف عاهرة بين مخالب طاغية الكاتبة منال منولة باللهجة الجزائرية

ان كيدك لعظيم سيدتي

تتمة للاحداث السابقة

.. دقائق وصل للبيرو تاعو حلو ودخل كانت الخادمات ينظفو عمللهم بيدو تاع اخرجو .. وصل للكوفر حلو وجبد السيدي وحطو فالبيسي وبقى يفوت في ذيك للقطة تاع وقت اعترف البشير على انو المؤسس

قعد فوق الكرسي وتبزع عليه وحط يدو على خدو .. لحظات لحقت عليه سيدرا وبقات تشوف فيه بينما هو دور البيسي شوي لحتى تتفرج معاه

سيدرا ( عدلت روحها وحطت رجل على رجل ) لحظة الحقيقة

ايراد ( وصل الفيديو لمبعد الاعتراف ماهوش حابب صداع مع الصباح ملاح تاعو صارت جامدة وكانو ملك الموت مر به نطق بصوتي خالي من اي رياكسيون ) اتفرجي ونتي ساكتة

خرج الفيديو من جديد " احنا وثقنا كل مهمة في صندوق اسود صغير .. وكل واحد عندو الحارس تاعو ومارلين ورغم صغر سنها كانت هي المسؤولة على كل حارس في جميع انحاء العالم .. الشئ الى خلانا نخلوها تكون المسؤولة هو كفائتها وقوتها .. ذكائها الكبير

سيدرا ( وقت سمعت الاسم الحركي للام نتعها كانو حاجة فيها تكسرت ) مسؤولة على كل حارس في العالم

"البشير وكل حارس حاطط الصندوق نتاعو في متحف واذا سالتني علاه متحف رح نقولك انو لحتى مايلفتش الانتباه ليه ويتحل برك بعينة دم ولا قطعة جلد وهكا السر يبقى الداخل .. بصح كي تكشفت المنظمة نص الحراس باعو الصناديق نتاعهم في مزادات وعل هاذا ايراد ولدي خصك تلقاهم وتشوف كي تفسدهم لانو اذا طاحو بين يدين الغلط

سيدرا ( قاطعاتو ) بلا بلا علابالنا رح يبداو يهددوا فينا ويخرجوا اعداء جدد

ايراد ( وقف الفيديو ومسح على نيفو يخمم في هدرة البشير ) تسما هو تاني عندو صندوق

سيدرا ( صارت تمروح على روحها ) خلي تشوف نشوفو وش رح يقول راني حاسة بلي مزال بلاوى راهم مخبيين وياعالم

ايراد ( حول النظرات نتاعو في ارجاء المكان ممبعد رجع ظغط على الزر ) رح نشوفو

"البشير الصندوق نتاعي الاصلي راه في المتحف الاسباني .. فيه كلشي على المهمات الى عملتهم وقت تلقاوه حاولو تكسروه .. انا كنت حطيت زوج واحد ديتو معاياا لدزاير وواحد خليتو لهنا .. ونحب نحذركم من عدو مهم الا وهو البرéééééé

سيدرا ( كان لصوت يتقطع وماسمعتش مليح ) شكون هذا ماسمعتش مليح شكونو

ايراد ( بقى يحاول يعدل فالفيديو ويشوف الخطب منين .. غلق الفيديو ورجع شعلو من جديد ) ضرك نعرفو شكون العدو هذا ..

البشير " ونحب نحذركم من عدو مه الا وهو البرéééééé

سيدرا ( خبط البيرو بيدها ونسفت ) شوف الزهر كي داير

ايراد ( ماحبش يكثر على السيدي قرر يفوت هاذاك المقطع .. تلفت لسيدرا الى كانت تعيش حالة من السخط ) رح نمدو لمهندس تقني رح يقدر يصلح العطل هذا