نصف عاهرة بين مخالب طاغية الكاتبة منال منولة باللهجة الجزائرية

الحب انت والعشق انت

تتمة للاحداث السابقة

حست بيديه قاسحين على رقبتها البيضاء ..يخنق فيها ..نفسها انقطع عليها و صارت تحاول تستنجد باي حد .. ولكن كان اقوى منها .. كان يخنق فيها مع سبق الاصرار والترصد وهي مكانتش مستعدة تموت ... طلعت يديها للزوج وبقات تدحرج فيهم على كتافو وحطتهم على وجهو ودخلت صباعتيها في عينيه .. بكل قوة وهو صار يعيط من الالم الى يحس بيه .. فالوقت الى التوازن نتعها اختلل رفدت رجلها وضرباته للصدر وطيحاته من فوقها ولكن هو جبدها معاه وطاحو للزوج على الارض

سيدرا ( حلت عينيها لقات روحها على الارض .. بقات ترد فالنفس وتعاود .. تلفت يمين وشمال كانت الشومبرا فارغة وكان هي تما .. تكات روحها على السرير وطلعت قعدت فوقها تمرر في يدها على رقبتها .. ) كان منام برك اوفففف حسبت روحي صاي

حطت يدها على رقبتها وبقات تمسد فيها .. صوت لميساج فالفون كي وصل ردها للواقع .. مدت يدها فوق الطابل دونوى وجبداته وحلت الشيما وبقات تقرى ومع كل كلمة تتبسم وحدها .. حست روحها مالكة الدنيا .. خبر كيما هكا جا في وقته

سيدرا ( رمات الفون فوق لفراش ووقفت وهي تضحك ودور ) واخيرا لقيت نتايج تعبي ..

تلفت يمين وشمال مالقاتوش .. استغربت زعما يكون خرج .. شافت فالساعة الكبيرة الى معلقة فالحيط كانت عاد 10 .. فكرت انو يمكن خر ج يدير الرياضة نتعه .. نحات لاغوب نتعها ورماتها فوق الفراش وتمشات للبانيو تتمايل وتنحي فالسترينغ نتعها هو الاخر .. دوش دافي ضرك ينجح على الاخير حلت الباب ودخلت واذا بيها تشوف لبخار على الزجاج .. يعني راه يدوش

غلقت الباب وراها وكملت تمشى حتى وصل لتم وخرت الزجاج الفاصل بينهم ودخلت عنده وسط الماء الدافي والبخار والرجولة الطاغية .. نتاع المالكي وقفت حاطة صبعها على شفافها وهي تشوف معاه وتتبسم وعاضة على شفتها .. الراجل هذا قلعلها العقل نتعها وطيرلوها .. ولات تحس بكرشها كيف العادة توجع فيها وفرحانة بمجرد انهم راهم مع بعض برك .. حتى قطرات الماء وصارت تحسد فيها بينما هي تتخل بين عضلاته ومنحيات جسمه

ايراد ( حس بيها تلفت ليها وضيق عينيه ) رح تجي ولا تبقاي تشوفي من تما

سيدرا ( حطت يدها على ظهرو وطبعت بوسة حنينة من امراة عاشقة ) رح نجي لاني مارحش نضيع الفرصة على روحي

ايراد ( حس بالبوسة هاذيك .. حط يديه على شعرو مسح عليه .. لحظات حت كانت فالقبضة الرجولية نتاعه حط يديه على وجها يشوف معاها وهي عينيها يضحكو ) صحبتي فرحانة ولا انا راهي تبانلي برك

سيدرا ( حاوطت يديها على رقبتو وطلعت على طراطف رجليها ) اممم فرحانة بزاف

ايراد ( هبط يديه للداريار نتعها وجبدها ليه كثر وحاوط يديه على ظهرها وحط راسو عند وذنها وهمسلها ) خبريني مالا .. وش الحاجة الى خلات مرتي فرحانة هكا