نصف عاهرة بين مخالب طاغية الكاتبة منال منولة باللهجة الجزائرية

هل كشف السر

مساء الخير 

هاذوا حلقات اليوم .. وش بيه التصويت تاني طاح .. 

التعليقات ومعليش يديكم مكسرين والتصويت تاني كي تكليكو على النجمة تمرضوا 

ها مالكم حوجي !!!!!!!!!!!!!!!

تتمة للأحداث السابقة

تاليا ( هزت كتافها بلامبالاة وتمشات من اتجاه الدريسنغ لحتى تلبس ) عادي وعلى الشيء هذا نهرب .. نتي ما توثقيش فيا وصاي علاه نكبر الموضوع

نجلا ( نسفت بعصبية .. بحيث تقدمت من تاليا وحطت يديها على كتافها مجددا ) رح نقلك وين راهي الرئيسة هاذيك .. لحتى تعرفي اني نحبك ونوثق فيك ..

تاليا ( دخلت للدريسنغ وبقات تدور يمين وشمال .. حتى واخيرا لقات مكان ال lingerie نتاعها .. حكمت دوبياس فالاسود ممبعد رمات المنشفة وصارت تلبس وفي نفس الوقت تحكي ) ما تقوليليش .. لانه لوكان كاش ما يصرى تشكي فيا .. ما نحبش نعرف

في هذاك الوقت تاليا غلقت الباب تاع الدريسنغ في وجه نجلا بطريقة جريئة وكملت تلبس في حوايجها بغرضها .. فهي مكانتش تعرف اذا ما تكمل لهنا ولا تمشي حتى ما تورطهاش معاها وتجيبلها المشاكل الى راهي في غنى عليهم .. الى جانب انه كان غباء منها تسال على مكان الرئيسة .. في واش كانت تخمم وقت عملت عملتها هاذيك

وقت كملت لبستها .. تقدمت من اتجاه جهة الاكسسوارات وجبدت السيشوار وشعلاته صارت تجفف في شعرها الاشقر الطويل .. ومزالها تفكر ... فهي من جهة عاذرة نجلا على تكتمها على الامور ومن جهة اخرى غاضتها بزاف وقت شكت في مصداقيتها و بقات تفك وتحاجي حتى كملت

رجعت السيشوار لمكانه ودارت وحملت المناشف على يدها ممبعد تمشات وسط التصاميم الغالية والاحذية المصممة على ايادي احسن ايقونات الموضة حتى وصلت الباب فتحاته وخرجت وتما لقات نجلا مزالها واقفة لتقول بنبرة سخرية

_مزالكي لهنا .. حسبتك رحتي

نجلا ( دورت عينيها فالسما .. يعني كيما دارتلها ما رضات .. في هذاك الوقت حطت يديها في خصرها ) رح تهبليني علابالكي .. ما نيش قادرة نفهمك تاع الصح البارح زعفتي لاني رفضت نقلك وضرك كي قررت نحكيلك قلتيلي لالا

تاليا ( ترسمت ملامح الغضب على تقاسيم وجها الفتي ) شفتي كيفاه صعيب التعامل مع الاخت الضالة .. وش تنصحيني نزور طبيب نفسي ولا نمشي ل عيادة طبية وين رح يغلقوا عليا لتم طول عمري

نجلا ( حكمت تاليا من كتافها وهزتها بقوة ) يعني اناا راني مخلية حياتي وخدمتي وقاعدة معاك لهنا ونتي رافضة تحكي حتى ربع كلمة على الاعوام الى غبتي فيهم عليا وتحبيني نحكيلك كامل اسراري بمجرد انك تسقسيني