تتمة للاحداث السابقة
سيدرا في ذاك الوقت توقف الزمن حواليها وهي تشوف في صورة الاب نتعها ..صورة الشخص الى من سنين تحوس عليه زعما هذا هو صح ولا انسان اخر فقط ولكن علاه زينب طاحت وقت شافته .. بقات تحسب ايام فاتت كي قاتلها وعد بلي الاب تاعك حضر وماشي صدفة انه نفس التاريخ لى مشى فيه لعندهم يصادف تاريخ الفيديو هذا .. غاست في ملامح القليلة الى حكمتها الكاميرا وراحت لعالم اخر .. كانت تحس بقلبها يدق تقول رح يخرج من مكانه حتى انها ماسمعتش صوت ايراد وهو يعيطلها
ايراد ( تلفت لسيدرا وهوا مزال يعدل في قفال الكم نتاعه .. كان ينادي عليها ولكن ماردتش عليه ) سيدرا
سيدرا ( تفوت فاللقاطات وتعاود ترجع فيهم وعينيها معمرين دموع وفرحتها كبيرة وقاعدة تحاول تحفظ هاذوك الملامح ) صمت
ايراد ( تقدم بضع خطوات من الاتجاه نتعها .. ماشي من عادتها تسرح هكا .. وقت وصل حد يد الرجولية على كتفها ) سيدرا
سيدرا ( رجعت للواقع وشافت فيه وهي مزالها تحت هول المفاجئة ) اي ايراد
ايراد ( اول حاجة لاحظها هي الدموع الى يطيحو من عينيها .. رفع صباعه بروية وبقى يمسح فيهم مستغرب من انها تبكي ) وش بيك تبكي .. كاش ما صرى
سيدرا ( حطت يديها على يديه الى على وجها وسرطت ريقها .. مالقات ماتقول لانه هي ماهيش متاكدة بعد .. راحت تتبسم كي المهبولة ) امممم شت فيديو لطفل صغير مضيع اهله وتاثرت شوي
ايراد ( تلفت فوق البيرو وجبد مشوار من البواط وبقى يمسحلها في دموعها .. يعرفها حساسة اما ماشي للدرجة هاذي ) مزية ماكيش مكثرة الماكياج كون صرات كارثة لهنا
سيدرا ( ضحكت وهي تحس بيه يغدق فيها بالاهتمام والحنية ) ماتخافش انا في كل حالاتي نهبل .. يعني حتى لوكان الماكياج تاعي يسيح تاكد من انه مارحش ياثر على جمالي ويمكن حتى يولي تراند يعملوه البنات في الحفلات
ايراد ( ضحك وهو يشوف فالساعة .. رجع حط يديه على جنابه وميل راسه شوي ) بمناسبة الحفلات .. رانا روطار مدام سيدرا
سيدرا ( عينيها توسعو .. تلفتت غلقت البيسي وخرجت من ورى البيرو رايحة تصلح الماكياج نتعها ) معليش تستناني 10 د نريقل الماكياج نتاعي
ايراد ( خذى نفس طويل وشاف فيها .. وهي رايحة تريقل روحها مرة اخرى .. قعدت قدام المرايا وحطت رجل على رجل واخذة راحتها تقول راهي تعزف ) خوذي راحتك
سيدرا ( تلفت ليه وضحكت .. رافعة حاجب ومهبطة لاخر ) علابالي راك تمعني بصح معليش
ايراد ( قعد على طرف البيرو .. طاحت عينه على الكادر الى محطوط تما .. رفع وبقى يشوف فيه .. كانت صورة من عرسهم رجع يشوف معاها ) تتفكري هذا نهار
أنت تقرأ
نصف عاهرة بين مخالب طاغية الكاتبة منال منولة باللهجة الجزائرية
Romanceهي فتاة عشرينية عاشت في كنف جدها بعد انفصال والديها .. ضاقت انواع المضايقات والتنمر سواء من المحيطين بها او القريبين منا .. انثى ذات شخصية متمردة وقاسية .. ولدت من رحم المعانات هدفها الاول هو الوصول الى اعلى المراتب لايهم كيف ومتى .. صعبة المراس لا...
