نصف عاهرة بين مخالب طاغية الكاتبة منال منولة باللهجة الجزائرية

الماضي يلاحقني

تتمة للاحداث السابقة

سيدرا تما قريب مايغمى عليها .. كانو كلمتين لاا اكثر ولا اقل بيهم زعرع كيانها وجبروتها صارو يردو الصدى في وذنيها .. اذا حكى كلشي كامل راح يفهموا غلط .. لانو سيدرا الى قالت من قبل "استناني عام فرات ' ظروفها تبدلت ضرك .. تبدلت 360 درجة .. ماهيش الطفلة الى تزوجت بالغصب ضرك راهي زوجة ايراد المالكي .. وراهي تحب الادهى من هكا .. يمكن مش حب قوى مبنى على اساس ولكن مشاعر صادقة نبعت من عروش قلبها

سيدرا ( فوت لسانها على شفافها الى نشفو من الى راهي تسمع فيه ) وش تقول .. وش رح تحكي واقيلا انت راك ضارب حاجة والله اعلم

فرات ( شاف معاها ولاحظ ملامحها الى تبدلت ) واش بيك حبيت نتعرف برك .. مارحش تعرفيني على راجلك وعايلتك الجديدة سيدرا

سيدرا ( حطت يدها على رقبتها وصارت تمسح عليها ذهابا ايابا ) فرات اقصر الشر وامشى من هنا .. ولا راك حاسب رانا في كاش فيلم الطفلة تتزوج وممبعد تمشى لراجلها تقولو هذاا ولد الكارطي الى كنت نسكن فيه وهو يتقبل ويحضنو عادي فيق لروحك فرات

فرات ( ركز مع الكلمة هاذيك ' ولد الكارطي ' ) تسما ضرك راني ولد كارطي برك هكا سيدرا والهدرة الى قلناها

سيدرا ( زيرت على سنانها وقربت منو وصارت تهمس ) الهدرة فاتت عليها شهور وانا نسيتها وضرك رح نعاودلك امشي من هنا مدام جيت لهنا دير حياتك وحاول تعوض السنين الى راحت منك

فرات ( جا يحكي حتى شاف انسة جاية من الاتجاه نتاعهم عيونها زرق وشعرها اسود وبشرتها بيضا والابتسامة نتعها تطيب القلب المجروح ) وسام المالكي

سيدرا ( تلفت ليها وهي تقرب حاولت تصنع انو راهي بخير ) وسام جاو ضيوفك

وسام ( عملتلها براسها لالا وتبسمت ) كنت نحوس على وئام حتى شتك واقفة مع

فرات ( حكملها يدها وطبع بوسة عليها وهو يشوف مع عينيها الزرق ) فرات انا فرات بن ثابت

وسام ( طلعت صباعها وصارت ترتب في خصلات شعرها ) انت تقرى مع سيدرا صح

سيدرا( قاطعاتو وتلفت لوسام وصارت تحكي ) لا فرات مايقراش معايا هو اكبر مني وكنت مرة استنجدت بيه لحتى يعاوني في بحث ووعاوني كثر خيرو

فرات ( كان مزال شاد يد وسام ) وكي سمعت بالافتتاح هذا قلت نجي ونشوف ويمكن نسجل لهنا .. ونقرى على روحي وشفت مدام سيدرا بالصدفة وكنا نحكو

وسام ( ابتسامتها صارت عريضة ) ايه مرحبا بيك على العين والراس في اي وقت

يعقوب ( تقدم من وسام وحطلها الفاست على كتافها ) البرد راه

وسام ( حكمت عليه الفاست وتلفت ليه ) ايه شوي برك .. بصح غير نبدا نحكي صاي السخانة تطلعلي وننسى البرد