نصف عاهرة بين مخالب طاغية الكاتبة منال منولة باللهجة الجزائرية

الوداع !!!

سلام على افئدة العالمين ... عدت من جديد 

والتاخير لم يكن من عندي .. صرالي شوي مشاكل مع الحلقات حتى اليوم باه قدرت نحطلكم .. 

استمتعوا .. منال منولة

تتمة للأحداث السابقة

سيدرا ( وقت سمعت نبرة صوته تغيرت .. تلفتت ليه و غمزاته والكثير من الفضول يعتريها ) وش كاين

ايراد ( رفع صباعه وقالها دقيقة ثم تمشى شوي للامام وكمل يحكي مع تاليا ) مادري والو فهمتي وستناي مني تلفون .. تشاو

سيدرا ( تقدمت كثر منه فهو قلقها وقت ملامح وجهه تغيرت بهاذيك الطريقة وحتى وان مثل العكس ف كان باين من نبرة صوته بلي في مشكل ) وش كاين وش صرى ايراد !

ايراد( كان مزال حاكم الفون وفي نفس الوقت يكومبوزي في رقم ساشا .. وفي نفس الوقت مزال ما يرد على سيدرا .. بقى يسمع فالجرس الى رن لثواني ثم ردت ليقول واخيرا ) صحبتك ماتت !

سيدرا ( شهقت وعينيها توسعوا .. فخبر مماثل كان كيف الصاعقة .. كيفاه ووقتاه الكثير من الاسئلة كان في خلدها ولكنها اكتفت ب قول جملة صغيرة كانت تعبر على كل شيء) مانيش مصدقة .. مستحيل !

ايراد ( استغرب من صمت ساشا هذاك .. ولكن امر طبيعي انها تتاثر .. جاو ل اسبانيا مع بعض للانتقام ولكن في مرحلة ما تفرقوا .. كمل يحكي بصوته الرجولي الخال من اي عطف او رحمة) كان عندها ورم خبيث فالراس وكانت في مرحلة متأخرة بزاف .. وماتت اليوم الصباح

( استمر صمت الظل .. لدرجة انها ايراد قرر يسالها مرة اخرى ) واش غادي تبقاي ساكتة ما غادي تقولي والو

ساشا ( صارت ترجف من ساسها لرأسها وكانت بسيف محافظة على رباطة جأشها وبصوت وبنبرة مهزوزة صارت تحكي ) وش تحبني نقول .. حط روحك في بلاصتي واش كنت غادي تقول في ظرف كيما هذا

ايراد ( نسف بعصبية .. ما عرفش علاه كل واحد يقله حط روحك في بلاصتي .. رفع صباعه وبقى يعد ) اولا ما نحب نكون في بلاصة حتى حد .. انا بلاصتي وراني قاعد فيها بالعافية

( مرر لسانه على شفافه ثم كمل يحكي ) وثانيا علابالي انك محملة روحك مسؤولية موتها ... بصح ليكون في علمك برك انت درتي الصح لما تعاونتي معايا لانه لوكان حكموها الكوريين الى لعبت عليهم وداتلهم دراهم كانوا غادي يديروها طاجين زيتون بصح انا ما رضيتش انه مرت جدي يحكموها اعدائي وانا واقف ونشوف

ساشا ( وخرت الغطا من على روحها ووقفت من مكانها ومررت اصابعها وسط شعرها الناري ) انا وقفت معاك ضدها .. وهذا الشيء فرقنا بحيث في اخر ايامها ماتت لوحدها

ايراد ( شاف فالساعة ثم رجع يحكي بنبرة خالية من المبالاة ) ماتت في بلاصة نظيفة .. ماتت في بلاصة خير .. خمي مع روحك وعيطيلي ولا ماشي حابة تدفني صحبتك وتودعيها