نصف عاهرة بين مخالب طاغية الكاتبة منال منولة باللهجة الجزائرية

تلك المتمردة تريد لرحيل من عريني

تتمة للاحداث السابقة

ايراد حط يده على البواني تاع الباب وحله حتى سمعها تحكي فالفون الكلمة طاحت في وذنه كانت صاعقة عليه .. هو حسب البارح وقت وفايت ولكن هي خرجت تحكي صح ..وقتاه هي دارت والعين طاحت فالعين والقلوب رجف ..

ايراد ( وقت سمع الكلمة عينيه حمارو قرب منها مستهجن سبب الهدرة نتعها قرب منها وبقى يشرلها بصباعه ) كيفاه ماسمعتش .. عاودي عاودي

سيدرا ( تراجعت لور وهي تسرط في ريقها ماتصورش يجي فاللحظة هاذيك .. يعني هو سمع كلشي ) ايراد اسمعني قبل لاتبدى تحلل من راسك برك

ايراد ( حكم الفون من يدها وخبطه بكل قوة على الحيط ورجع يشوف معاها وتراتيل وجه ماتبشرش بالخير) تحبي تطلقي هكا ... تحبي تطلقي احكي علاه سكتي ضرك

سيدرا ( عينيها تعمروا دموع ماقدرش كثر ) ايه فالوقت لصعيب الى راني نعيش فيه هذا الحل الى بانلي

ايراد ( دوح براسه تعبيرا عل الرفض نتاعه و فجاة جبد الكابوس من جيبه وصوبه عليها على راسها بالتحديد.. وزير علىه بين يديه تقول رح يقسمه على زوج ) وش الفرق بينك وبين لمار ها .. خبريني نحب نعرف علاه زعفتي كي رجعت دخلت حياتي

سيدرا ( طلعت حاجبها مستنككرة الى كانت تسمع فيه ملامحها رجعوا جديين اكثر ) انا غير لمار .. فهمتني راني تعبانة الكلمة خرجت مني وصاي وكان رك ندمان بزاف طلقني وتزوج بالكلبة هاذيك .. عادي ساهل ماهل

ايراد شارجا الكابوس وضغط على الزناد ويحكي وهو صار على على سنانه ) مالا رح نقتلك قبل لاتخمي تبعدي ..لانك وقت مضيتي على عقد زواج تما وليتي ملكي وانا الحاجة الى مانقدرش نملكها نحذفها من الدنيا هاذي سيدرا المالكي

سيدرا ( سمعت كان حس الشارجور .. حطت يديها على وجها وعيطت ) لااااااااا

ايراد ( استغرب من سكوتها .. بقى واقف يطالع في عينيها وطلع يديه يشرلها ويشوف فيها كي غاصت في عالم اخر ) نحب نحكي معاك خلينا نمشو لبلايصنا

سيدرا كي سمعت صوته الرجولى فاقت و رجعت من سرحتها و بقات تشوف فيه وفي عينيه الكحل .. (يعني كانت تتخيل )كان فيهم بزاف هدرة .. صح هو يحكي كلمة زوج وصاي اما الصح في الافعال .. النظرة هاذيك الى يشوف بيها في عينيها الخضر قالت كلشي ..كيفاه رح تقدر تعيش بلا بيه .. كيفاه رح يجي يوم رح تنوض صباح بكري وايراد ماشي بحذاها ولا مرقدها في حضنه .. مجرد التفكير خلى العرق البارد يسيل معاها

ايه صح علاقتهم غير الكل .. حتى زواجهم كان تقليدي على مصالح وعقود وكل يعيشوا بزاف مخاطر الوكان من الاول بعدت .. مشي بعد 8 اشهر زواج وعشرة وحب وهوس .. ماشي بعدما دخلت لحياته وعمرته رح تمشي ..

وش الفرق بينها وبين البشير ولمار الى خلاته وقت الحاجة .. رح تكون يمكن اسوء منهم كامل .. لانها رح تخليه فالغرقة بينما هو كان شاعل اصابعه 10 شمع ليها .. رجعت من سرحتها ووالسيناريو الى كان يدور في راسها وقت حكى بصوتو الرجولي ( يعني تخيلت وقت قالت لزينب نحب نطلق من ايراد )