نصف عاهرة بين مخالب طاغية الكاتبة منال منولة باللهجة الجزائرية

اعطني قلبك اقصد يدكي

تتمة لاحداث السابقة

سيدرا ( تحاول تفك في روحها بكل قوة وتحكي ) خرج البشير المالكي هو الكلب الى عيشني العذاب هذا كامل وبسببو عشت يتيمة ولا وماشي هكا برك .. حب يديني يكمل بيا ..

(شافت للقارد الى كانو حاكمينها ) اطلقوني .. قلهم يطلقوني ولا رح تقتلني لاني كشفتك . قول رح تقتلني

ايراد ( كان هادي على الاخير ..رفع يدو لحتى القارد مايجعوش مرتو .. الصغيرة الغاضبة هاذي الى فهمت كلشي بالغلط ) خلوها

سيدرا ( كملت تحكي وصدرها يطلع ويهبط .. عينيها معمرين دموع وزعاف من الشئ الى عاشتو ) خرجتوا نتوما الكلاب الى يتموني .. اه وانت اليوم تزوجتني لحتى تكمل وش دار جدك الكلب ..رح تبيعني ضرك ولا وش رح دير فيا

ايراد ( حكمها من يدها وزير عليها بكل قوة وجبدها لعندو وبقى يشوف مع عينيها الخضر ) صوتك مايعلاش على صوتي .. فهمتي .. صوتك مايعلاش على صوت راجلك

سيدرا ( صارت تضرب فيه للصدر وتعيط متجاهلة الوجع الى تحس بيه من قبضة يدو يمكن كانت تفضل انو تموت ولاتعيش هذوك الاحاسيس ) رح نفضحكم كامل .. رح نفضحكم كامل .. رح نفضحكم كامل .. اطلقني

ايراد ( وقت سمعها تحكي هكاك .. جن وهبل .. هو كان مرتب الامور وكان رح يحكيلها فالوقت المناسب ولكن القدر قال كلمة اخرى غير .. حكمها من كتافها بقوة وجبدها و يخبطها على الفوتاي الى تما ..صار صدرها يطلع ويهبط وتنهج وشعرها طايح على عينيها الخضر بينما وهو هبط لعندها وحط يدو على رقبتها ) اخرجي وحكي الخرطي هذا .. لنشوف شكون رح يصدقك .. اخرجي وحكي وعيطي كيماراكي ديري ضرك

سيدرا ( سرطت ريقها وه تحس بيدو على رقبتها ) ايه رح نقول الى شفتو والى سمعتو .. وعلابالي كاين ناس بزاف ماشي غير انا راحو فالرجلين

ايراد ( نسف عليها وهبط لعند وذنها وبقى يهمس ) شكون رح يامن .. وخصوصا منك نتي .. اه المريضة الى تشرب المهلوسات ..

عندك دليل .. بالنسبة ليا عندي دليل على هدرتي على انك مريضة .. بلا جدك الى رح يشهد غير الهدرة هاذي وياكد صحة هدرتي .. وشكون يعرف رح وش يصرالك وبما اني راجلك رح نسرحلهم يرموك في سبيطار المهابيل

سيدرا ( بقات تشوف معاه بعينيها المعمرين دموع ) مانستغربش منك هذا الشئ .. مانستغرب من حتى حاجة .. من اول مرة شفتك ومديت يدك عليا وضربتني عرفت انك قادر على كلشي

ايراد ( رجع يشوف معاها وعينيه معمرين غيض ويدو مزالها على رقبتها مكانش حابب يبكيها وخصوصا فليلة هاذي ) رح تسكتي وتسمعي ولارح تبداي تخرفي

سيدرا ( نسفت على شعرها ) احكي لنشوف وش رح تخرط عليا .. احكي

ايراد ( وخر عليها ومسح على وجهو بعصبية ووقف يحكيلها ) بعد موت والديا البشير هو الى ناب عليهم كان هو الامر الناهي .. هو مسؤول على خواتي يعني تقدري تقولي كنت مريح من الجانب هذا و كي قفلت 20 سنة مشيت ورميت روحي فالجيش ..كنت ملازم اول ..