نصف عاهرة بين مخالب طاغية الكاتبة منال منولة باللهجة الجزائرية

خائنة .. زوجتي خائنة مع سبق الاصرار والترصد

تتمة للاحداث السابقة

ايراد كان راسو بعيد بزاف و كانت شهادة سيدرا دليل حي على انو ماتت جازية كان رح يحكي حتى الفون نتاعو صونا جبدو من جيبو وطلعو وكان عبارة عن فيديوهات مقاطع صغار وبقى يترفج فيهم وملامح وجهو تتبدل مع كل دقيقة تفوت .. العرق يسيل معاه ولون عينو يتغير وعروق رقبتو يزيرو كثر

سيدرا ( تلفت ليه حتى لقات ملامحو تغيرت ضربة وحدة ) ايراد

ايراد ( كان يشوف فالفيديو فيه مجموعة من الصور لفرات وسيدرا من الفيديو تاع العرس وقت دخل وراها التوالات والفيديو الثاني نص برك قبل زواج وقت فرات داها للكابانو هذاك وفيديو الثالث كان نص برك .. ظغط الدم تاعو طلع ووصل للتوب وقف من مكانو وصدرو يطلع ويهبط كان يهدي في روحوا اما ماشي قادر الى بعث الفيديووهات قرر انو يتصل ليزيد الطين بلة وايراد كان يتغير للاحسن وقرر انو يتاكد قبل رفد عليه ودار للزجاج ) الو

البروفيسور . عجبوك الفيديوهات .. بصح الثالث هبال

ايراد ( مسح على نيفو وعينيه كانو يحمارو ومابدى يشوف حتى حاجة امامو ماغير لشيطان الى حضر في دقيقة وكان يطلب منو يحرق كلشي ) شكون انت .. لاك راجل خبرني وخلينا نتواجهو وجه لوجه

البروفيسور ( كان حاسس بقلق غريب وهو يشوف مع صور سيدرا هاذيك ) انا انسان عندو ضمير وراني ماحبيتش نخليك ترقد بزاف فالعسل وقلت نفطنو احسن

سيدرا ( وقفت من مكانها وكان عندها احساس هي الاخرى غريب وقلق اعتراها ) ايراد وش بيك

ايراد ( تمشى للامام وهو يدخن ونفث نيرانو كان غاضب ومقلق ) كامل الى بعثتو مارحش نصدقو العب مع وخداخر ماشي ايراد المالكي ومدامك عملت حاجة كيما اكيد راك عارفني انا شكون والا مايكونو خبروك عليا وش قادر نعمل

البروفيسور ( وقف من مكانو وصار يتمشى من اتجاه البار ) احساس الخيانة مر صح .. احكيلي وش راك تحس كي شفت الفيديوهات .. مرتك وحبيبها

ايراد ( رفد رجلو وخبط الطابلة الى كانت امامو قلبها كامل ) رح نحرقك

سيدرا ( حطت يديها على وذنيها وتراجعت لور ) وش بيك ايراد

البروفيسور ( حط الفون على جيه وحكم قرعة تاع فودكا يفرغ فالكاس ) تعودت على النار .. ونارك مارح ديرلي حتى حاجة

ايراد ( مسح على شعرو الى كان تشمخ بالعرق وكمل يمشى فالصالون ) ارواح وجرب ومن هدرتك تبان عندنا قصص قديمة

البروفيسور . قديمة ايه اما مااشي معاك وزيد خلينا نرجعو للموضوع نتعنا .. الى هو مرتك وحبيبها هذاك ماتقوليش برك كتبتلها في اسمها املاك ولا حاجة لانها رح تطلب الطلاق وتجري على حضن المعذب نتعها

ايراد ( غمض عينيه وزير على البونية نتاعو ) رح نوصلك وكان كنت راجل قولي وين راك .. لننهو هذا الموضوع راس لراس .. راجل لراجل والحيلة هاذي قديمة تاع الفيديوهات فهمتني