نصف عاهرة بين مخالب طاغية الكاتبة منال منولة باللهجة الجزائرية

لم تعد صدفة بعد الان انها مكيدة من القدر

تتمة للاحداث السابقة

البشير المالكي طاح على لارض .. وحط يدو على صدرو .. وصار يحاول ياخذ نفسو ولكن ماشي قادر .. الكل حاوطوه .. يحاولو يعاونوه .. ولكن كان القدر نتاعو بين يدي عزرائيل ولو يجبو كامل الطاقم الطبي لهنا

ويسام ( حكمتلو راسو وحطاتو في حجرها ) جدي وش بيك .. جدي رد عليا

ويئام ( وقفت من مكانها لحتى تعيط لاي واحد الداخل ) جازية .. جازية

ويسام ( حاكملتو راسو ودموعها يطيحو ) جدي اهئ اهئ .. جدي وش بيك رد عليا ماتخلعنيش

يعقوب ( حاول يوقف من بلاصتو وقرب ليها ) تكون جلطة برك .. ضرك يجي الطبيب

سيدرا ( الى سمعت العياط خرجت لبرى ولقات الحالة مخلطة .. بقات تقرب بالعقل) وش كاين

يعقوب ( شاف معاها ) جدي ماعلاباليش مالو كان يحكي فالتلفون وفجاة طاح من بلاصتو

ويسام ( كانت تمسحلو على شعرو وتبكي خايفة عليه ) ديرو اي حاجة ياناس اهئ اهئ

سيدرا ( هبطت على ركبتها وحطت يدها على رقبتو واليد لخرى تقيسلو فالنبض ) النبض مكانش قاع

وئام ( عيطت باعلى صوتها ) ماشي نتي ممرضة ديري اي حاجة

سيدرا ( عيطت على الخادمة ) روحي جيبيلي جهاز صدمات القلب .. روحي

يعقوب ( حط يدو يشوف فالنبض مرة اخرى ) مكانش وماهو يتنفس

سيدرا ( صارت تفحص فيه حلت الشوميز تاعو وبقات تقلب فيه .. الاعراض الى كانت عليه غريبة عليها ) خمي خمي وش بيه

لحظات جابت الخادمة الجهاز .. حطاتو على الارض .. حطت سيدرا المرهم عليه ورجعت شحنت وحطت الجهاز على صدرو وصارت تصدم فيه .. توقفت وشافت فالشاشة كان النبض مزال هكاك ..رجعت حطت المرهم على الجهاز وشحنت مرة اخرى وصدماتو ولكن لافائدة

ويسام ( حطت يديها على وجها ) وش بيه .. ماتقوليش مات برك ... ماتقوليش مات

سيدرا ( حطت من يديها ووقفت وشافت في جازية الى كانت حاطة يدها على فمها وتشوف فيه مصدومة ) مارح نقدر ندير حتى حاجة .. النبض مكانش لازم تنقلوه للسبيطار وضرك

وئام ( حطت يديها في جنابها ) كيفاه ماتقدري تديري حتى حاجة .. درتي زوج عمليات لهنا

سيدرا ( مسحت العرق من على جبهتها ) الطبيب المسؤول راه غايب وانا ماعلاباليش وش بيه .. وش عندو فهمتي واذا شخصتو غلط قادر يموت بين يديا

جازية ( بقات تشوف فيه وهو حال عينيه والنفس مقطوع عليه ) انا

سيدرا ( خرجت التلفون وباقية تحط فالنيمرو ) لازم تقررو ضرك .. لحتى نعيطلهم