نصف عاهرة بين مخالب طاغية الكاتبة منال منولة باللهجة الجزائرية

صدفة خير من الف ميعاد

تتمة للاحداث السابقة

سيدرا حطت شعرها على جيه وتمشات خطوات قاطعة الطريق لحتى تركب مع السائق تا البشير الى موكلو انو يوصلها ويحرص على انها تكون بخير

رضوان ( رفع يدو ) هيا بنتي جيتي في وقتك

سيدرا ( حلت البوشات نتعها وشافت الساعة ) مزية ماتلاقيتش بذاك المريض 

 كانت مزالت اسيرة اللحظة هاذيك صحيح هو كان قاسي وعنيف اما هي اول مرة تعيش موقف هكاك دوحت براسها وقررت تنسى كلشي صار وتجنبو وصاي احسن حل لاغير ..هي تمشي وتحكي مع روحها .. ووحد الطموبيل كانت متوقفة وفجاة المحرك نتعها شعل وجات جاية من اتجاهاا ... بكل سرعة

رضوان ( وقت سمع ضرب العجلات على الارضية طلع راسو وشاف المشهد هذاك ) دموازال حبسي تما .. حبسي

سيدرا ( وقت شافت الضو تاع الطموبيل جمدت في بلاصتها ماعرفت واش دير حطت يديها على وجها برك ) صاي هاذي هي اخرتي

الطموبيل وقت وصلت عندها فرينات بكل قوتها .. حتى الشارع هذاك كامل سمع الصوت والحس الى عملاتو العجلات المطاطية على الارضية .. فالوقت هذاك تحل الباب ونزل الشوفور الى كان يسوق منها وتمشى من اتجاه سيدرا الى كانت تحت الصدمة تماما

الشوفور بنتي راكي بخير

سيدرا ( كانت واقفة وقت سمعت الصوت هبطت يديها وصارت تبحلق فيهم الكل .. وتشوف في صور متقطعة ) انا _ انا

رضوان ( قرب منها ) سيدر اراكي بخير .. كاش ما صرالك

الشوفور ( دار من اتجاها سيدرا ) بنتي راكي بخير

رضوان ( شر للحرس يعيطو لطبيب ) عيطولنا للطبيب ربي يستركم

سيدرا كانت في عالم اخر تسمع في اصوات وتشوف في مشاهد متقطعة .. "مارحش تقراي في الفاك " .."انتي مهبولة وامك راحت وخلاتك وانا حصلت فيك " .. " سيدرا انا نحبك بزاف بلاكي تنساي هذا الشئ "

دخلت مايسمى الصدمة .. وماقدرتش تنتشل روحها .. عقلها الباطن صار يرجع في ذكريات قديمة .. عشاتها مع محمود .. كلمات الام تاعها وبعض االامور صرالتها في مراهقتها .. حطت يدها على راسها وبقات هكاك

الكتيبة تاع ايراد تعمرت فالشارع كامل .. وكان فالوسط الطموبيل نتاعو .. وقت شاف السير متوقف زفر .. نحا السانتير وحل الباب وهبط . واستغرب من التجمع الى كان تما .. حط يديه في جيابو وتمشى بالغرور نتاعو والكبرياء هذاك .. الشوميز محلول مبين عضلاتو كلها والوشم على يدو مميزو وعاطيه وحط المنظر رجولي

ايراد ( وصل تما لقى الحالة هكاك .. مسح على شعرو وخرج يديه وعمللهم وش كاين لهنا) وش هذا العرس الى راه لهنا

رضوان ( هبط راسو ) سامحنا مسيو ايراد بصح صرات اكسيدون صغير

ايراد ( دور عينيه لقاها واقفة فالطريق .. اما ماشي كيف عادتها .. ماشي الوقفة المغرية هاذيك .. كانت وقفة تاع بنت ضايعة .. دور عينيه فالسما وقرب منها ) ماتقوليش هذا العرس كامل على جالك