نصف عاهرة بين مخالب طاغية الكاتبة منال منولة باللهجة الجزائرية

فخ من صنع القدر

تتمة للاحداث السابقة

فرات ( تراجع لور وشاف في ايمن مصدوم من الهدرة الى قاعد يسمع فيها ) راكم تتمسخرو صح .. ايمن وش الخرطي هذا ياخي جايبني على جال باه نقتل

ايمن ( هو الاخر كان مصدوم اما الظروف طلبت عليه يكون تاجر مخذرات ) للاسف فرات ماشي تمسخير هذا

البروفيسور ( طلع حاجبو ) اووو ماتقوليش خرج عندك ضمير برك

فرات ( قرب كثر من الاكرون الى كان فيه الفيديو وبدى يحكي وعلامات الانزعاج على وجهو ) صح انا دخلت للدومان هذا بصح لاني محتاج برك برايك انت شكون الى يخاطر بروحو ويعرض لروحو لحاجة كيما هكا

البروفيسور ( رفد الابرة الى فيها السم ) حكايتك تصلح كتاب علابالك .. وعجبتني الهدرة معاك بزاف بصح انا مانيش ناقش فيك اما تعمل وش قتلك ولا الحبس

فرات ( حس بالوجع في راسو وحد يدو لخرى وبقى يخرب في شعرو بعصبية ) شكون هذا الى رح نقتلو وكي ندير نوصلو انا وعلاه دخل فيا في وسط المشاكل هاذ الكل

البروفيسور ( رجع راسو على الكرسي ) رح تقتل البشير المالكي

فرات ( جا يحكي ولكن من الصدمة صابو الخرص المؤقت ) انا

البروفيسور(دفع الكرسي و وقف من مكانو وتمشى حتى للزجاج ) على حساب معلوماتي انت عرضتو للخطبة نتاعك وهو رحب بزاف وزيد شكون هاذيك سيدرا ولا وش اسمها رح تحلط الابواب وتعاونك ..ماشي هي نفسها الممرضة نتاعو وبنت الكارطي تاعك

فرات ( وقت سمع اسمها جن ولكن ماحبش انو يبين للبروفيسور لايحكم عليه شئ اخر ) وش بيها هاذي تاني نقتلها

البروفيسور ( رجع يشوف فالصور تاع البشير الى كانت على الحيط ) لا هو برك نحبك تخلص عليه تماما وباريحية كبيرة وتقدر تستخدمها يعني فالاخير ماشي جارتك

فرات ( ضحك من غرابة الموضوع ) عندك رجال كي الدود ودراهم ماينعدوش قادر تعمل عملية اغتيال كبيرة ليه تخلص عليه علاه انا .. علاه انا بالذات

ايمن ( قرب من فرات وحكمو من ذراعو ) خلاص فرات وش بيك

البروفيسور ( قلب شفافو وصار يخمم ) لانو حشرة مايستهلش هذا الشئ كامل .. نحب نقتلو بنفس الطريقة الى نقتلو بيها الحشرات .. السم

فرات ( حس انو يمكن هو غرق وصاي ماعندو حتى مخرج من الشئ هذا كلو ) وباين رح يكون عندك فيديو اخر عليا وانا نقتل فيه ورح تخليني نقتل مرة وزوج وثلاث ممبعد يجي دوري كان هكا اقتلني من ضرك يلا

البروفيسور ( دار للاكرون وبقى يشوف في صورة فرات ) مممم خرجت عندك عقل وعجبتني بزاف تصدق .. لا ماشي ضرك نقتلك حتى تعمل وش قتلك

فرات ( مسح على وجهو وحس الوجع زادو كثر وبقى يتعرق ) انت عشت طول حياتك فالقصور عمرك لاجربت الحاجة والذل .. دخلت للدومان هذا لاني كنت محتاج و