تتمة للاحداث السابقة
ايراد ( ملامح وجهه رجعت جدية .. واخيرا يعني رح يعرف شكون الى سبب الخراب هاذا كامل .. ) احكي راني نسمع فيك
ادم ( يد على الفون واليد الاخرى حال لاب توب ويبعث في المعلومات ل ايراد ) نجيب سامي الفهري جندي فالبحرية .. من اصول اسبانية متزوج .. قصدي كان مزوج
ايراد ( رفع حاجب وهبط لاخر .. لاول وهلة ماقدرش يستوعب ) وش قصدك بكان مزوج
ادم ( بقى يقرب فالمعلومات ويحاول يختصر كثر ) مرته وبنته ماتو في تفجير كي كان في افغنستان
ايراد ( مسح على لحيته بعصبية .. يعني جندي كيفهم مالا علاه عمل هكا ) والتفجير هذا كان يعني حادث ولا
ادم ( دوح براسه ) للاسف المعلومات الى هنا تقول انه تفجير كان من تددبير شخص كان نجيب هذا يحاول يحكمه ويحبسه واسمه "امير الفساد "
ايراد ( زير على البونية نتاعه .. كان غاضب كي البركان .. وماشي قادر يتحكم في الغضب هذاك وباقي يتخيل وش رح يعمل فيه وقت يلقاه ) وممبعد
ادم ( حط يده على خده ) بعد الاكسيدون هذاك تاع مرته وبنته .. دايرين لهنا انه انتحر من بعدما ياس من الدنيا
ايراد ( مسح على رقبته يمسد فيها ويدور في راسه يمين وشمال ) يعني بعدما دخل للمنظمة هوما عملو انو انتحر هكا يعني لحتى يقدر يعيش بهوية اخرى
ادم ( بقى يطلع فالمععلومات ) بصح كاين حاجة اخرى ايراد . وقت حوست على امير الفساد هذا .. لقيت انه تقتل بعد موت نجيب هذا ب 5 سنين هكا
ايراد ( غمض عينيه يحاول انه يرتب فالمعلومات في راسه ممبعد حلهم ) هو دخل للمنظمة لحتى ينتقم للعايلة نتاعه باين هذا الشئ
سيدرا ( وقت سمعت الانتقام .. الدم جمد في عروقها .. تقدمت من الباب وطلت ) ليكون عرف كلشي
ادم ( عاود رجع المعلومات الاولية ) بصح راني لقيت حاجة رح تخليك بلا عقل
ايرا د ( ترسمت على ملامحه ابتسامة سخرية وبقى يحكي ) قول جات على هاذي الحاجة
ادم ( مكانش متاكد لانه اصلا الارواق قديمة .. ولكن تبقى سجلات واوراق ) انت من قبل ايراد قتلي راني نحوس على اب سيدرا
ايراد ( تفكر هذاك النهار الى حكاتلو فيه بلي راهي تحوس على الاب نتعها .. وهو قرريعاونها وفات وقت حتى هو ونسى الحكاية ) ايه نتفكر بصح واش علاقته هذا بالرئيس تاع المنظمة
ادم ( سرط ريقه ) هاني جايك فالطريق
ايراد ( مسح على جبهته وقرريخلي ادم يحكي كامل وش عنده ) احكي
ادم (بقى يقرب فالصور كثر وكثر ) مالا لقيت وحد الصور يظهر فيها نجيب مرة اخرى بصح مارحش تصدق مع شكون وحقا الصور ديتهم من عقد زواج ..
أنت تقرأ
نصف عاهرة بين مخالب طاغية الكاتبة منال منولة باللهجة الجزائرية
Romanceهي فتاة عشرينية عاشت في كنف جدها بعد انفصال والديها .. ضاقت انواع المضايقات والتنمر سواء من المحيطين بها او القريبين منا .. انثى ذات شخصية متمردة وقاسية .. ولدت من رحم المعانات هدفها الاول هو الوصول الى اعلى المراتب لايهم كيف ومتى .. صعبة المراس لا...
