نصف عاهرة بين مخالب طاغية الكاتبة منال منولة باللهجة الجزائرية

حلقة خاصة بالملك وصغيرته

مساء الخير 

اليوم حلقات خاصة بالملك وصغيرته لتلبية رغبات ببعض القارءات 

صوتوا للحلقات وخلولي ارائكم وتوقعاتكم 

توصويتتتتتتتتت ولا نتعرى هاني نوصي 

تتمة للأحداث السابقة

تفتح باب االاسنسير فجأة .. لتسيقظ من الشرود هذاك بعدها عدلت روحها وخرجت متوجة لمكتبه .. اول ما وصلت لقات الباب مفتوح .. دفعاته ودخلت وتما لمحت قطرات دم على الارض .. استغربت في بادئ الامر ممبعد سمعت حس جاي من البانيو

كملت تمشي من اتجاه مصدر الضوضاء .. وقطرات الدم تزيد مع كل خطوة .. الامر الى سببلها رعب كبير ليكون كاش عدو كان متخبي لهنا وفاجئه ل ايراد وطعنه او ضربه بالرصاص ..السيناريو هذاك فشلها وخلاها حتى طيحت البوشات من يدها واندفعت من اتجاه البانيو بخطوات سريعة وين لقاته واقف ومحني راسه فالحوض

سيدرا ( كان قلبها يخبط .. تقدمت ليه بخطوات سريعة وحطت يديها على رأسه وطلعاته وتما شافت الدم بين شفافه بحيث قالت بنبرة مليئة خوف وقلق ) وش بيك .. وواش قصة الدم هذا

ايراد ( تراجع لور وقعد على طرف الجاكوزي بحيث جبد منشفة وحطها على فمه ) ضرستي تقسمت على زوج

سيدرا ( خذات نفس طويل ... الحمدلله انها ضرسة برك بعدها قربت ليه كثر وحطت اصابعها على وجهه ) ممكن تخليني نشوفها

ايراد (رفع يده وحطها على صدرها واذا بيه قلبها يخبط تقول رح يخرج من بين ضلوعها ويرمى روحه بين يديه ليسالها لاحقا ) خفتي كي شفتي الدم

سيدرا ( هبطت اصابعها على شفافه وصارت تحل فيهم باه تشوف الداخل وفي نفس الوقت تحكي ) خفت عليك انت .. قلت كاش ماصرالك ..

(لحظات ايراد فتح فمه لتضيف بنبرة عدم رضى ) امممم راهي مسوسة واللثة كامل راهي infecter وزيد راك تغلي .. الحمى راهي عليك

ايراد ( وخرها على جنب ووقف من مكانه ورجع يبزق فالدم ممبعد خذى نفس طويل ) مابيا والو .. ضرك نكمل نحي النص الباقي وتفرى

سيدرا ( دوحت براسها يمين وشمال .. منظر الضرس كان مقلق وباين انها كانت ملتهبة ولهذا تقسمت على زوج فجأة وبدون مقدمات ) راك من نيتك تحكي .. سمعتني واش قتلك ولالا راهي infecter ومن هاذي نعشوا في حاجة اخرى

ايراد ( رجع بزق الدم مرة اخرى ممبعد رفع راسه امام المراة و حل فمه يشوف )

سيدرا ( حست روحها راهي تحكي مع حيط .. خلاته واقف وتمشات للخزانة وفتحتها وفعلا كان عنده حقيبة اسعافات اولية جبدتها ممبعد حطتها على جنب وفتحتها ) اوووو مسيو ايراد كيما العادة دايما مجهز روحك .. اقعد تشوف قدامي