نصف عاهرة بين مخالب طاغية الكاتبة منال منولة باللهجة الجزائرية

العاصفة على الابواب

تتمة للاحداث السابقة

دقت قريب 9 هكاك تاع ليل .. كانت كيما خلصت سهرة في الطابق الثاني الخاص بمرضى السرطان .. وكانت هاذي طريقة المشفى في ابهاج الصغار ولحتى تخليهم يحسو بالحب والحنان وانه كاين شكون يفكر فيهم

وتحل الباب وخرج مهرج من تما ..حامل بالونات بزاف بين يديه .. الوان مبهجة ودخل الفرحة على قلوب الكل .. تحل الاسنسير وطلع تما .. وبقى يستنى حتى وصل للطابق .. خرج وشاف يمين وشمال وصار يتوغل فالكلوار ..

حتى لمح الكلوار معمر حرس .. عرف انه الوجهة تاعه تما .. وكان كاين زوج ممرضات واقفين ويحكو يحكو .. وحاملين بين يديهم صينية وكان فيها ادوية تخص المرضى .. حط يده في جيبه وبقى يحوس حتى لقاها .. كمل يمشي حتى وصل لتما وين خبط فالممرضة وطاحت من يديها السينية

المهرج ( طلق البالونات من يديه وحاول ينوض الممرضة ) انا اسف هل انتي بخير

الممرضة (تبسمت ) انا بخير .. شكرا لك

المهرج( صار يلم معاها في الى يقدر يلمه وحط وسطه ابرة معمرة ووقف ) انا اسف مرة اخرى

الممرضة . لا تهتم الى اللقاء

الممرضة 2 ( بقات تشوف فيه ) كم هو لطيف لقد حضر فقط ليبهج الاطفال

الممرضة1 . ( وافقتها فالراي ) اجل .. المساكين

الممرضة 2 . هيا اذهبي نلتقي في الاستراحة

الممرضة ( عملتلها براسها ورفدت يدها تريشلها ) باي ..

دارت وحلت الباب ودخلت ..شافت في ايراد وسيدرا مطولا وتبسمت .. كانت تحسهم قراب بزاف من بعض .. وحسدت المتمردة على ذكر كيف ايراد .. الى ماخلاهاش ولا دقيقة من يوم ماجابوها .. ولا حنانه ورجولته ..

تقدمت من السيروم .. حط السنية على جيه وحملت الابرة وصارت تحقن فالمحلول .. حتى كملت الدوز بعدها تلفتت ورمات الحقنة فالبوبال وبعدها تلفت تشوف مع المؤشرات الحيوية .. وحكمت الطابلات تكتب في الملاحظات على حالة سيدرا ..

ايراد ( حل عينيه وقت حس انه سيدرا راهي تتحرك وتبان تتوجع .. تلفت ليها وحط يده على خدها ) سيدرا راكي تسمعي فيا

سيدرا ( العرق بدى يسيل معاها وتنهج ) امممم

ايراد ( ناض من فوق السرير وشاف فالممرضة وتقدم منها وحكمها من ذراعها تقول رح يقسمه على زوج ) افعلي اي شئ

الممرضة ( سرطت ريقها ) دعني اتصل بالطبيب

ايراد ( طلقها و تلفت لسيدرا ورجع لعندها وحط يده على خدها وهي تتوجع اكثر واكثر ... وعينيها تحلو وصارت انفاسها ضيقة ) سيدرا .. سيدرا وش بيك

سيدرا (حطت يدها على قلبها الى حساته رح تطحن ) ايراد .. ايراد

ايراد ماعرف وش يدير .. بالاخص وقت اغمي عليها .. مسح على شعره وبعد شوي يشوف معاها وبعدها قرب وحط شفافه على شفافها وصار يعمللها في تنفس اسطناعي .. ويرجع يشوف نبضها ولكن مكان والو .. صار يحاول من جديد ويعمللها فالتنفس ولكن لا شئ الى جانب انه قلبها توقف تماما .. تقدم لطبيب وشاف في الممرضة