نصف عاهرة بين مخالب طاغية الكاتبة منال منولة باللهجة الجزائرية

ولا زلت اتسائل مالذي يخفيه المستقبل لي

تتمة للاحداث السابقة

سيدرا غمضت عينيها تحاول تتفكر .. بقات الهدرة دور في راسها بصح وين سمعتها وشكون قالهالها حطت لاب توب على جيه وناضت من بلاصتها . . وصارت تحاول تتذكر اي حاجة .. الصوت كان في راسها اما المشكل ماهيش قادرة تلم الاحجية كاملة

ايراد ( حط الكاس تاع المشروب وتلفت ليها .. استغرب من وقوفها وكانها تحوس على شئ ) ودرتي كاش حاجة

سيدرا ( دوحت براسها وشافت فيه ) راني نحاول نتفكر وحد الحاجة بصح ماقدرتش

ايراد ( ضيق عينيه يشوف معاها .. وكيفاه ضايعة الملامح تعها حافضهم مليح مليح .. قرر ياسلها )واش هي الحاجة هاذي بلاك نقدر نعاونك

سيدرا ( تلبكت شوي وفركت يديها ببعض ) حاجة تخص القرايا

ايراد ( فسحلها المجال بحذاه وخر المخدة ولز شوي عليها وطبطب بيده على الفوتاي ) ارواحي بحذاايا

سيدرا ( تمشات وقعدت بحذاه بينما هو حاوط ذراعه عليها ) مانيش عارفة كي شغل راهي في راسي بصح كي نجي نتفكر تهربلي

ايراد ( طلع يدها يمسحلها على شعرها .. كان حاسسها متوترة بزاف وباين هاذي الحاجة مهمة عندها .. فوت لسانها على شفافه ورجع يحكي ) باين ظغطتي على روحك بزاف علابيها وكلما تغطي عل العقل نتاعك هو رح يتعب كثر وكثر وممبعد مارحش يولي يطاوعك

سيدرا ( تنهدت ورجعت راسها على صدر ايراد وغمضت عينيها ) رح نريح روحي وصاي ..

ايراد ( رجع يشوف فالتيفي .. لحظات ظهرت المضيفة الى رح تنقل الاخبار .. حمل الريموت وزاد للصوت شوي ) واخيرا تكرموا علينا ورح يعلنوا على شكون ربح المشروع

سيدرا ( تلفت ليه وحاوطت يدها على رقبة ايراد وتبسمت ) اكيد راجلي حبيبي هو الى رح يدي المشروع ماشي لانه من عايلة المالكي ولا حاجة

ايراد ( حسها بدات تتمسخر وتطلق في هبالها .. حط الريموت ودور يده على ظهرها وبقى يلعب في شعرها البني المنساب على كتافها ووجها ) مالا علاش

سيدرا ( عضت شفتها وضحكت ) لانه خدام ويعرف وش راه يدير ووين يحط رجليه ماشي قال مناقصة صاي يدخل لالا راجلي حبيبي كل خطوة حاسبلها حساب

ايراد ( ترسمت على ملامح ضحكة .. كانت حلوة في كلشي وكل يوم تجذبه كثر وتخلي البعد عليها مستحيل ) وهكاك وماتقدريش تعرفي وش قادر يصرى وانا انسان مجهز روحي لكل حاجة

سيدرا ( ناضت شوي جبدت حبة عنب وحطتها بين شفافها تمص فيها ) زعما هذاك الشيباني رح يربحك ولا

ايراد ( قرب منها كثر فوت لسانه على شفافه وقرب منها حط يده على رقبتها وشفافها على شفافها وخطفلها الحبة تاع العنب من فمها ممبعد بعد عليها ) هاكي تقولي شيباني بصح هكاك وجامي تحقري بالاعداء نتاعك كل واحد عمليلو قيمة لحتى مايجيش نهار تنغدري ..لانه الغرور اكبر عدو للانسان