نصف عاهرة بين مخالب طاغية الكاتبة منال منولة باللهجة الجزائرية

انا احترق

تتمة للاحداث السابقة

فرات شاف يمين وشمال وخطرتلو يدخل من باب الخدم الوراني .. وهكاك رح يتوغل وسط الجنينة حتى يوصلها ..كان رايح يدخل .. فجاة شاف سيدرا وهي تحكي فالفون وتضحك .. تراجع شوي .. حطت شعرها ورى وذنيها وكملت تمشى بهدوء لاحظ لون بشرتها وشعرها المقصوص والدعامة الطبية الى في رجلها اما غير هكا مكانش حاجة مقلقتها .. كانت كي النسمة الباردة .. رجع الكابوس في ظهرو وبعد شوي .. معقول هاذي الى كان مفكر انو رح تخلي ايراد وتجري ليه وترمي روحها في حضنو.. كانت تبان عادية سيدرا القوية الى حتى حاجة ماطيحها

فوت لسانو على شفافو وتلفت .. وبقى يمشى صورة المنشفة الى فيها دم خلاتو يجن ويحس بالدم طلعلو في راسو .. خلاصة القول هي سلمتلو روحها وهو عرف انها بريئة .. انهار كم الخطط الى كان حاطها في راسو .. رجع تلفت حت شافها قعدت بينها الخدامة وقفت على راسها ومدلتها الشاي الى تحبو .. حس بروحو يغلي وقرر انو ينتقم على طريقتو .. جبد الفون وحط وكومبوزا رقم الهاكر بما انو البروفيسور ماراهش يجاوب عليه.. ثواني سمع صوتو

فرات ( حل باب الطموبيل وطلع ) اسمعني كي كنت محبوس عن ايراد سمعت القارد تاعو يحكو على سلعة دخلاتو

الهاكر ( كان في العيادة يستعد لينحي الشاش من على وجهو ) ايه

فرات ( تلفت على جيه وجبد بوات تاع كاشي حلها بصباعو ضرب حبة ورجع يحكي ) باغيه يرشى فالحبس ولاني مانعرفش البروتوكول لهنا عيطلتك

الهاكر . مدلي الادراس والباقي خاطيك

فرات ( كانت نار الحقد عامياتو وبالاخص كي ماصراش وش كانو مخططين ) رح نبعثهالك ميساج وحقا رح نغيب ايام على المنظمة

الهاكر . دي وقتك

فرات ( بقى يكتب فالاادراس كيما سمعو ورجع حط الفون على وذنو ) راني حابب وقت نرجع نلقى اخبار شابة

الهاكر ( تلفت ليها وهي قاعدة قدامو وحاطة رجل على رجل ) قتلك خطاتك وضرك تشاو .. حط الفون على جيه ورجع يشوف في روحو فالمرايا

الرئيسة ( شبكت صباعتيها ببعض ) خرج يكرهم بزاف تقول انا ربيتو

الهاكر . قلبو كحل كيفك صح في هاذي ماكيش غالطة

الرئيسة ( غلبها الضحك على هدرتو ) ايام برك وتنحي الشاش راك واجد لتكون البروفيسور

الهاكر ( تلفت ليها ) كاين مشكل اخر .. صوتي رح يفضحني يعني مهما فرات كان غبي رح يقدر يدير الفرق بيني وبين نجيب

الرئيسة ( وقفت من بلاصتها وتمشات بهدوء كي عادتها لقات مشطر فوق الطابلة رفداتو وضربت الهاكر للرقبة وتحديدا عند البلعو م ) وش رايك

الهاكر ( حط يديه على رقبتو ومكانش قادر يحكي والدم يسيل تقول ذبحاتو )

الرئيسة . باين بلي ضربت الاحبال الصوتية تاعك .. الينا وين راهي