تتمة للاحداث السابقة
فرات ( صار يحكي بوحد الطريق مستفزة ) ضرك راكي فالحجر وعلى الراس بصح تعرفي الحاجة المليحة انك تعرفي تصيدي .. يطيح بين يديك غير الحاجة الفور
وعد ( عينيها توسعومن بشاعة الهدرة الى كان يقول فيها وبدون ما تحسوطرطقت فيه ) وش راك تخرف انت من نيتك
فرات ( حبسها بيدو وشاف فيها من لفوق لتحت ) اوبرا وينفري مانيش نحكي معاك وزيد تورك راه جاي اصبري نكمل مع بنت خالتك
وعد ( زيرت على سنانها ) فرات بركا ماتخسر فالهدرة
سيدرا ( حطت يدها على يد وعد وتبسمت معاها ) خليه يكمل ... اي مسيو فرات كمل راني نسمع فيك خرج وش كاين في قلبك
فرات ( قرب لسيدرا وبقى مركز معاها في عينيها الزرق ويهمس ) يمكن تقدري تلعبي على الدنيا كامل بهدرتك وبالحلاوة نتاعك بصح مارحش تفوت علياا انا .. نعرفك مليح اسيدرا وعلابالي وش راكي ديري لحتى توصلي لى حبيتي عليه
سيدرا ( سرطت ريقها وقررت تواجهو ) علاه شكونك انت .. شكون اصلا عطاك مساحة لتحكي عليا انا ولا لتحكم ..شفتني بعينك .. عندك دليل
فرات ( ضحك وهو يشوف في لبستها والماكياج نتعها ) باين بلي قمتي بالواجب معاه .. شوفي كيراه متهلي فيك .. كسوة وصوالح وغير ترفدي يدك الشوفور يجيك يجري كامل هذا وخص دليل ..
سيدرا ( تبسمت بغل وقللبها يعصر فيها على هدرتو ) علاه غرت قولي
فرات ( قربلها كثر وحط صباعو على جبهتها ) نغير عليك انتي .. سيدرا الى حالتها طريق شرق غرب .. نغير على وحدة باعت روحها باه توصل لوين تحب
وعد ( بكل قوتها دفعاتو للصدر ) تعرف انت واحد رخيس وماتحشمش ..وش راك تخلط انت
فرات ( حكم وعد ودمرها ورجع شد سيدرا من يدها وزير عليها وعينيه رح يخرجوا ) قوليلي ها مدام وش مديتيلو حتى راه هابل عليك هكا .. رح يرجف قولينا .. خبرينا اسيدي
سيدرا ( ضحكت وقربت لوذنو ) علاه تحب تعمل كيفي .. تمد وتحل طريق شرق غرب
فرات ( زيرلها على يدها ) من بكري تموتي على المادة .. الى يرميلك عظم تهدي تجري ليه من بكري تشوفي لفوق عمرك لاحطيتي رجليك للارض
سيدرا ( عينيها تعمرو فيهم الدموع وباقية ترجف ) انت واحد مريض علابالك .. وخرجت ماتعرفنيش مليح .. ماتعرفش سيدرا .. مارحش نحلفلك ولا لانك عمرك لارح تصدقني اما رح نسقسيك وش تحب مني
فرات ( سرط ريقو وبقى يشوف حواليه وش راه يدير لهنا .. ) صمت
سيدرا ( رجعت عاودت نفس السؤال ) قلي فرات .. مدام انا هكا مانيش مليحة وفيا العيوب ال7 .. انت وش تحب مني .. علاه جيت لهنا وراك واقف وزيد تحاسب فيا .. مع انو اشرف من الشرف .. عمري لامسني واحد ولا اظطريت اني نوصل للطريقة ذيك .. نمشي كيف المسطرة واي حاجة وصلتها اليوم بتعبي ورح نزيد نوصل لبعيد وبعيد غصبا عنك وعلى كامل الى يحكي عليا ..
أنت تقرأ
نصف عاهرة بين مخالب طاغية الكاتبة منال منولة باللهجة الجزائرية
Storie d'amoreهي فتاة عشرينية عاشت في كنف جدها بعد انفصال والديها .. ضاقت انواع المضايقات والتنمر سواء من المحيطين بها او القريبين منا .. انثى ذات شخصية متمردة وقاسية .. ولدت من رحم المعانات هدفها الاول هو الوصول الى اعلى المراتب لايهم كيف ومتى .. صعبة المراس لا...
