نصف عاهرة بين مخالب طاغية الكاتبة منال منولة باللهجة الجزائرية

انفجار

تتمة للأحداث السابقة

سيدرا ( ضربت شعرها لور وردت تشوف مع ايراد الى تاني اظطر يغادر لحتى يحكي فالفون وهذا الى طيرلها برج من مخها ) دقيقة ماتبدليش السيدي ضرك نرجع برك

اسيل ( بقات تشوف مع سيدرا وهي ماشية وتممايل يمين وشمال لاحقة ايراد .. تما عضت شفتها ) إيراد مسكين واش راه جايه

نجيب ( رجع حاوط يده على كتفها ) يستاهل خليه

اسيل( شافت فيه من لفوق لتحت ) لحد الآن انت ماجربتش هبال الوحم مالا غير اسكت

نجيب ( ضحك ) مزال الحال ونجربه وش قلتي في اخ صغير سيدرا وراسم

اسيل ( دوحت برأسها ) مافيهاش

نجيب ( حط يده في يد اسيل ) خلي هذا الموضوع ناقشوه في بلاصة اخرى وش قلتي كي تكوني عندي وفي حضني اممم

اسيل (كانت رح ترد عليه ولكن وقوف فضيلة بجنبها خلاها تغير لموضوع ) اهلين

فضيلة ( خذات نفس طويل وهي تشوف فالاولاد ) كبرنا وجرى بينا الزمان وهاهم ولادنا يتزوجو

اسيل ( حطت شعرها ورى وذنيها ) هاذي هي الدنيا

فضيلة ( مدت يدها ل اسيل ) انا فضيلة نكون ام فرات .. قصدي

اسيل (فهمتها مدلتها يدها هي الاخرى ) وانا نكون ام سيدرا وهذا راجلي نجيب باباها

فضيلة ( مدت يدها لنجيب هو الاخر ) عرفتك من اول ما شفتك صحيح مجاتش فرصة لتعارف بصح بينك وبين سيدرا شبه كبير الفرق الوحيد هو لون الشعر

نجيب (حط يده على كتف اسيل وعقد حواجبه ) ماشي برك الشكل وحتى فالعقلية فولة وانسقمت

فضيلة ( ضحكت بعفوية ) ربي يخليهالكم ويطول في عمركم لتشوفو اولادها واحفادها ان شاء الله

اسيل (خذات نفس طويل .. ) اصلا هذاك وش يتمنى الواحد من الدنيا هاذي

فضيلة ( تلفت من جيهة الخدم وين كانوا واقفين مع رئيس الخدم ومن الهدرة الى كانت تدور بينهم فهمت انه رح يكملوا الاحتفال بقص التارت ) نظن رح يجيبو القاطو لحت ىيقسموها .. خلونا نمشو

اسيل عملتلها براسها ايه .. مشات فضيلة امامهم بينما هي حطت يدها في يد نجيب وتمشاو مع بعض كيما طلاب المدارس والمراهقين .. كان الكل يشوف في علاقتهم وفي حبهم هذاك .. والى السنين عمرها لا قدرت تاثر عليه بالعكس خلاته يقوى ويصير خيالي

في ذاك الوقت لى كانو يحكو فيه كانت سيدرا خلات الكل تما و تمشات وراه .. وكانت تحاول تخفف من سرعتها حتى مايفيقش بيها .. دخل لداخل للفيلا .. وهي صارت تبع فيه .. وتخمم مثلا مع شكون راه يحكي .. في ذلك الوقت شافت فالصالون كان فارغ تلفت يمين وشمال وكملت تمشي باين طلع للبيرو .. لازمها تلحق المحادثة من اول كلمة .. وبينما هي طالعة فالدرج ما تحس غير بيدين على كتافها