نصف عاهرة بين مخالب طاغية الكاتبة منال منولة باللهجة الجزائرية

واحدة ب واحدة

مساء الخير .. عيدكم مبروك كل عام وانتم بخير 

الى ربحوا الباك مبروك عليكم لعقوبة لنجاحات اخرى 

والى ما سعفهمش الحظ هذا لعام علابالي الحرقة كبيرة بزاف وعلابالي بلي تعبتو وسهرتوا وراني حاسة بيكم لانه حتى انا صرالي هكاك في 2017 وقت فوت كونكور الدوكتوراه وخسرته.. ان شاء الله العام الجاي وفيها خير 

قبل لا نبدى الحلقات حبيت نحكي على وحد النقطة 

علابالي اني طولت في موضوع ولادة سيدرا ولكن هذا حسب الاحداث وما تخافوش وقت تولد رح ايراد يلاعب ولاده وتشوفه وهو يبدل فالكوش وقاع .. لانه مزال في راسي احداث شابة 

والولادة ما تعنيش نهاية القصة .. وصحيح كاين شيء ابطال خرجوا ولكن هذا لانتهاء دورهم ومع ذلك رح نرجعهم مرة اخرى .. 

المهم ماتنساوش تصوتوا على البارتي وتخلولي توقعاتكم لتحت للاحداث 

النجمممممممممممممممة *********

تتمة للأحداث السابقة

بمجرد ما قتله هكاك ترسمت ابتسامة صغيرة على شفافه ..وشعور شباب بزاف ساوره وسرى في كامل جسده .. فشعور انك رح تشوف صغارك بعد معارك طويلة لا يوصف بالكلمات ..بقى هكاك يتبسم مثل المزطول

ولكن لما شافها تتوجع بالطريقة هاذيك غاضته وتما قرب ليها كثر حط يديه على صغيرته ورفدها بين يديه بينما هي حطت راسها على صدره وصارت تحاول تتنفس وتعمل شهيق وزفير كيما تعلمت في كلاص الولادة والمخاض

في تلك الاثناء تمشى بيها حتى لداخل صالة شخصيات المهمة وين بمجرد ان نجيب شافه حاملها رفد كرسي واتجه من ناحيتهم بخطوات سريعة وقلبه يخبط تقول رح يخرج من بين ضلوعه .. بحيث حطه على جنب وتما ايراد قعد صغيرته عليه ورجع يسال فيها

_مزالك تتوجعي قولي سيدرا

سيدرا ( عينيها الخضر تعمرو دموع وقلبها صار يخبط ب عنف ) واه

نجيب ( حط يديه على وجها الى كان احمر ورح يطرطق من السخانة ) وش بيك دختي قولي بنتي ها !

سيدرا( عضت شفافها وعيطت ب اعلى صوتها ) رح نولد .. رح نولد

نجيب ( ما عرف وش يدير .. لأول مرة يحس بالشعور المخلط هذاك .. فرح وقلق تلفت ل ايراد وصار يحكي معاه ) نعيطوا للاسعاف ولا نعيطوا للطبيبة تاعك اه

ايراد ( حل الفاست وجبد الفون .. كان باين انه رح تولد ف هاذي اول مرة تتوجع بالطريقة هاذي ) انا نقول طبيبتها

سيدرا ( طلعت يدها ومسحت على شعرها البني وحطاته على جنب ) اي حاجة .. اي حاجة اااااا ايراد