نصف عاهرة بين مخالب طاغية الكاتبة منال منولة باللهجة الجزائرية

انت مني وتنتمين الى قبيلتي واياك التفكير بالرحيل عني

تتمة للاحداث السابقة

سيدرا (استغربت بزاف من الهدرة نتاعه .. سرطت ريقها وحاولت انها تستوعب مليح يعني هو راح حابب يبعدها .. يعني هكا فهمت منه .. يعني هو رح يتخلى وينسحب هكا يعني ) وش قصدك ايراد بمراحش نرجعو ؟

ايراد ( تلفت ليها .. حب يركبلها شوي رعب لحتى تبطل كل دقيقة تقوله نمشى .. ضيق عينيه يلاحظ فالتوتر نتعها ) قصدي سيدرا انك من الاحسن ترجعي لحياتك القديمة شوي .. اخرجي مع البنات شوفي الجمعية نتاعك وبحوثك الى راهي معلقة

سيدرا ( وقفت من مكانها ومسحت على شعرها ) يعني هذا هو قصدك الوحيد

ايراد ( تمشى امامها .. مزال قاعد يلعبلها على اعصابها اكثر واكثر .. بصوت هادي للغاية ) ايه هذا هو قصدي

قالها هذا الكلمات وماستناش حتى ترد عليه وتمشى امامها وبنفس الوقت قاعد يشوف في ردة فعلها .. عارفها رح تطرطق ورح تدي على خاطرها وتحس ببزاف امور اما الجزاء من جنس العمل .. هي ضرك ماهيش سيدرا المراهقة هي راهي انثى ناضجة وهذا زواج وهاذي حياة ..ماشي لعبة

ماشي كل مرة رح تهرب من الامور ومن العقبات .. لازمها تكون قد كلمتها ومكانش طريقة يعلمها بيها الامور هاذي الا التجارب.. وللاسف خرجت جبانة. يمكن من حقها تتخبى مرات من هول الاحداث لانو امور بزاف صراتلها وهي في عمر صغيربزاف وهو يعرف بعض الاحيان يتغافل ولكن يفهمها رغم من كونه انسان اصم كي تجي فالعبارات ولكن راح يحاول هو الاخر يخرجلها لبير الامان وكيما سبق قالتو "مكانش واحد توجع كثر منك ايراد ويعرف الدنيا كثر منك "

وصلو للبوابة .. وين الجندي مدلهم لاوراق الثبوتية نتاعهم وفتحلهم الابواب لحتى يخرجووا .. توغل وسط القارد نتعه حتى وين كانت متوقفة الطموبيل .. فتح الباب وشاف وراه وين كانت جاية .ووتمايل. مدلها يده فالوقت هذاك تبادلو بزاف نظرات .. ممبعد ركبت وهو ركب وراها وبقى يعدل فالفاست نتاعه .. ثواني القافلة تمشات في طرقات اسبانيا الزدحمة بينما هو جبد قرعة المشروب وفرغ كاس لروحه .. ورجع يترشف منه

سيدرا ( كانت كرهت الصمت الى بينهم .. ضحكت ) رح تبقى ساكت هكا وتعاملني ببرود

ايراد ( جبد البوات تاع السيجار من جيبه وخرج واحد وشعله ) راني عادي سيدرا وبركاي ماتجبدي من التحت وتجري لاني رح نصفقك على الهدرة هاذي

سيدرا ( حطت رجل على رجل ونسفت ) من وقت ماجينا من روسيا وانت ساكت كي الحجرة .. وقت نحكي معاك كلمة وتنسحب .. وش كاين نحب نفهم

ايراد ( نسف الدخان فالسما ورخف القفافل الاولى نتاع لشوميز وتلفت ليها ) وقت مرتي تقولي راني متوحشة حياتي القديمة واني نحب نرجعلها تما خصني نسكت ونراجع حساباتي من جديد

سيدرا ( دخلت صباعتيها في شعرها من التوتر وبقات تعدل فيه ) ايراد انا راجل مات بين يديا .. ووقت حكيت هكاك كان من فوق طاقتي نرمالمون تفهم وش راني نحس