نصف عاهرة بين مخالب طاغية الكاتبة منال منولة باللهجة الجزائرية

نضجت صغيرتي وصارت جيشي وظهري في معركتي

تتمة للأحداث السابقة

اسيل ( بعدت على سيدرا تخمم في كذبة تقولها ) سيدرا مكانش علابالي ومنين رح يكون علابالي انا

سيدرا ( رجعت حكمت اسيل من يدها وزيرت عليها ) لالا علابالك وضرك تحكيلي علاه ... لانه ردة فعلك تدل على انك كنتي عارفة ومخليتنا

اسيل ( دوحت براسها .. وحاولت تمارس لعبة ذهنية مع سيدرا .. وهكا تقدر تسلك نجيب من الورطة هاذي ) ماكنتش عارفة وكان على ردة فعلي عادية لاني موالفة بالامور هاذي علابيها مااستغربت ولا شيء

سيدرا ( بقات تشوف مع اسيل ومصرة على موقفها .. صحيح يمكن امها تلقب ب مارلين منرو ولكن هي ذكية وتقدر تقرى تعابير الوجه مليح )اسيل

في ذلك الوقت .. جميع الانظار تحولت على اسيل والجو تكهرب وصار في كيف شرارة الكهرباء بينها وبين سيدرا .. في تلك الاثناء قاطع هذاك الاحتدام دخول نجيب المفاجئ .. الى كان حامل بين يديه بعض الاغراض ل سيدرا ولكن تسمر مكانه وقت حس ب انه الجو مشحون شوي

نجيب ( مد الساشيات للخدامة وتلفت للبنات وحب يلطف الجو ) واقيلا جيت في وقت غلط

سيدرا ( تبسمت وتقدمت منه شداته من يده ) لالا جيت في وقت صح ..ادخل

نجيب ( تلفت ل اسيل وغمزها بطرف عينه ) ايه وش هي مناسبة الجمع السعيد هذا

سيدرا ( ربعت يديها وشافت فيهم للزوج ) المناسبة انه الذراري تدابزوا وقت كنا نفطرو فالريسطو وداتهم لابوليس ووئام ويعقوب رح يطلقو نزيد ولا نحبس

نجيب ( استغرب بزاف وقت سمع بخبر الطلاق .. وحس انه الامور راهي تتازم كثر وكثر ) مستحيل

سيدرا (طرطقت بالضحك .. وشافت في الباقي ) والله تعرفوا تمثلوا قريب ما نصدقكم

وعد (حطت يدها على كتف سيدرا ) يمكن صح ماهمش عارفين .. خلينا نعيطوا لوئام ونعرفوا الحكاية

سيدرا ( بدات تتقلق وملامح وجها تغيرت .. بعدت على وعد وتقدمت من والديها ورفعت صباعها ) رح تحكو ولا نحوس بطريقتي ولعلمكم لوكان نعرف انكم عارفين رح نزعف بزاف منكم

اسيل ( مسحت على رقبتها وما عرفت واش تقول .. تفضح نجيب .. وهذا رح يخلي سيدرا تكرهه بلا ماتحكي على الباقي تاع العائلة ) سيدرا هاذي مشاكل خاصة بيهم علاه راكي تحوسي تدخلي نحب نفهم انا

نجيب ( في ذاك لوقت غمض عينيه ودا نفس طويل .. هو من بكري خذى اكبر قرار غلط .. اذى بيه سيدرا وايراد وصارله كيف الالتهاب صار يتفشي شوي شوي ) اوكي انا رح نحكيلك

اسيل (عينيها توسعو وبلا ماتحس عيطت ) نجيب واش راك دير هبلت

نجيب ( حكم يد سيدرا بحنية وطبع عليها بوسة ) انا كنت عارف بالطلاق